Пахтакорда Ғалла ўрим - йиғими бошланди
Туманимизда 2022 йил ҳосили учун етиштирилган бошоқли дон ҳосилини нобуд қилмасдан ўз вақтида уюшқоқлик билан ўриб-йиғиб олиш ҳамда ғалладан бўшаган майдонларни такрорий экин экиш учун ажратиб бериш бўйича кўрсатмалар бериб ўтилган. Бу йил туманимизда жорий мавсум ҳосили учун 250 та фермер хўжалигининг 13000 минг гектар майдонида 50700 тонна ғалла етиштирилиши кўзда тутилган. Ғалланинг ўриб-йиғиб олиш учун 46та конбайин, 100дан ошиқ техникалар жалб қилинган. Бугунги кун ҳисоби билан 40 та фермер хўжалигларида ғалла ўрими жадал суратларда кетмоқда. Ғалла ўримининг илк кунларданоқ туманимиздаги Олим Исроилов рахбарлигидаги “Дамин ота” фермер хужалиги режани ортиғи билан яни 103 фоизга бажарди. Ўтган вақт давомида экилган ғалла майдонлари пешма-пеш суғорилиб, зарур агротехник тадбирлар бажарилди.
Жумладан, ғаллани азотли минерал ўғитлар билан қўшимча озиқлантириш, икки марта баргидан суспензия сепиш тадбири бажарилди. Бегона ўтларга қарши гербецидлар билан тўлиқ бир марта, “занг” касаллиги ва зараркунандаларга қарши икки марта фунгицидлар билан кимёвий ишлов ўтказилди. Бир сўз билан айтганда, бугунги кунда туманимиз бўйича ҳам буғдойзорларда мўлжалдаги ғалла ҳосили етиштирилди. Эндиги вазифа ушбу етиштирилган ҳосилни ўз вақтида нес-нобуд қилмасдан ўриб-йиғиб олишни ташкил этишдир. Хусусан, тумандаги СИУларда экилган ғалла навларининг пишиш ҳолатидан келиб чиқиб, ғалла ўрим-йиғими графиклари ишлаб чиқилган. Бу йил ғаллани қисқа муддатларда, нес-нобуд қилмасдан ўриб-йиғиб олиш мақсадида ҳудудларда 16 та ўрим-йиғим отряди ташкил этилди. Ғалла ўрим-йиғими бошланган бугунги кунда фермерларнинг меҳнатини қадрлаш, улар етиштираётган ҳосилни асрашда туман Фавқулодда вазиятлар бўлими ҳамда Ички ишлар ходимлари ҳам ўз вазифасига сидқидилдан ёндашиб, бошоқли донни ёнғиндан асрашга қаратилган тарғибот ишларини олиб боришмоқда.
Умуман олганда, олиб борилаётган саъй-ҳаракатлар туфайли бу йилги ғалла ҳосили ўз вақтида йиғиб олиш. Бу эса ғалла етиштирувчи кластерлар ва фермер хўжаликлари фаолиятини ривожлантириб, биринчи навбатда, ички бозорда дон нархлари барқарорлигини таъминлашга хизмат қилади.
