Ўзбекистон кўзи ожизлар жамияти ташкил этилганлигининг 90 йиллиги муносиб нишонланди

Пахтакор тумани ҳокимлиги ҳамкор ташкилотлар билан биргаликда, Ўзбекистон кўзи ожизлар жамияти ташкил этилганлигининг 90 йиллигини муносиб ўтказиш ва кўзи ожиз фуқароларни қўллаб-қувватлаш мақсадида кенг қамровли ишлар амалга оширилди.Туманда истиқомат қилаётган 92 нафар кўзи ожизлар учун концертлар, моддий ёрдамлар, реабилитация воситалари, ётиб қолган ва кам таъминланган фуқароларга озиқ-овқат маҳсулотлари етказиб берилиб ёрдамлар кўрсатилди, шунингдек, маданий-маърифий, спорт ва соғломлаштириш тадбирлари ташкил этилди.

Юқоридаги тадбирлар доирасида, кўзи ожиз ногиронлиги бўлган фуқаролардан 10 нафарига озиқ овқат ва ноозиқ овқат ҳамда гигиена маҳсулотлари етказиб берилди, 2 нафарига электр юритмали ногиронлик аравачаси, 6 нафарига эшитиш мосламаси, 4 нафарига қўлтиқ таёқ,3 нафарига ҳасса таёқ, 2 нафарига овоз чиқарувчи танометр реабилитация  техник воситалари билан таъминланди.

Пахтакор маҳалла фуқаролар йиғинида истиқомат қилувчи кўзи озиж Р.Жозиловнинг мурожати бўйича кўчаси шағал тўкиб текислаб берилди. 

Бундан ташқари, 50 нафар кўзи ожиз фуқароларга “Мафтуна” ресторанида байрам дастурхони ташкил этилди. Байрам тадбирида кўзи ожиз фуқаролар мазза қилиб ўйнаб рақсларга тушиб дам олишди. Тадбир якунида барча иштирокчиларга совғалар берилди.

Туманда кўзи ожиз фуқаролар ҳар доим эътиборда бўлиб, уларнинг барча муаммолари ўз вақтида ечиб борилиши назоратга олинади.