Temir intizom va halollik – muvaffaqiyat kaliti
Oʻzbekiston Respublikasi IIVning tegishli farmoyishiga asosan 2022-yilning 10-iyun kunidan 10-iyul kuniga qadar ichki ishlar organlarida “Intizom oyligi” etib belgilanganligi munosabati bilan Paxtakor tumanida ham bir qator amaliy ishlar olib borilmoqda.
Jumladan, tuman IIBning masʼul xodimlari ishtirokida targʻibot va tashviqot ishlari olib borilib, ichki ishlar organlari xodimlari oʻrtasida xizmat intizomi va qonunchilikka rioya etishlari boʻyicha qoʻshimcha yoʻriqnomalar oʻtkazilib, buklet va qoʻllanmalar tarqatildi.
Shuningdek, xodimlar tomonidan shaxsiy va xizmat avtotransport vositalarini boshqarish tartib-qoidalariga amal qilinishi hamda xizmat faoliyatlari ham koʻzdan kechirilmoqda. Shu bilan birga soha xodimlarining yashash sharoitlari oʻrganilib, bildirilgan oilaviy-maishiy masalalarini ijobiy hal etish choralari koʻrilmoqda. Masʼul xodimlarga aniqlangan kamchilliklarni bartaraf etish boʻyicha tegishli koʻrsatmalar berildi
Tuman hokimligi axborot xizmati