Пахтакорлик нуронийлар учун Тошкент шаҳрига саёҳат уюштирилди.
Пахтакорда "Маҳалла" хайрия жамоат фонди ташаббуси билан Маҳалла ва оилани қўллаб-қувватлаш бўлими ҳамкорлигида 40 нафарга яқин пахтакорлик фахрий нуронийлар учун Тошкент шаҳрига саёҳат уюштирилди.
Дастлаб, улар учун Тошкент вилоятида жойлашган Зангиота мақбарасида бўлишди. Шундан сўнг улар Тошкент шаҳрига йўл олди.
Пойтахтнинг бетакрор, гўзал манзарали боғ ва хиёбонларини томоша қилиш билан бирга Мустақилликнинг 30 йиллик шодиёна кунларида фойдаланишга топширилган “Истиқлол” мажмуасини, "Шаҳидлар хотираси" хиёбони ва "Қатағон қурбонлари хотираси" музейи, Ўрта осиёда ягона бўлган Телеминорани ва бошқа обод манзилларга боришди.
Дастур доирасида меҳмонлар юрт озодлиги йўлида жонидан кечган юзлаб маърифатпарвар, фидойи инсонлар ва барча қатағон қурбонларининг ҳаёти тарихи билан яқиндан танишди.