Пахтакорда “Ҳар бир маҳаллага китоб” лойиҳаси ўтказилди
Азалдан юртимизда китоб қадрланган. Ҳар бир оилада шахсий кутубхона бўлган. У хонадонларнинг тўридаги токчалардан жой олган. Чунки китоб ақлни чархлайдиган, инсонни маънавий камолот сари етаклайдиган бебаҳо воситалардан бири ҳисобланади.
Азалдан юртимизда китоб қадрланган. Ҳар бир оилада шахсий кутубхона бўлган. У хонадонларнинг тўридаги токчалардан жой олган. Чунки китоб ақлни чархлайдиган, инсонни маънавий камолот сари етаклайдиган бебаҳо воситалардан бири ҳисобланади.
Бугунги кунда ҳам аҳоли, айниқса, ёшларда китобга қизиқиш, мутолаа маданиятини юксалтириш тобора муҳим аҳамият касб этмоқда. Давлатимиз раҳбарининг 2022 йил 20 декабрдаги Олий Мажлис ва халқимизга йўллаган Мурожаатномасида ҳам ҳар бир маҳаллада кутубхона ташкил этиш кераклиги таъкидланган эди. Шу мақсадда Ўзбекистон “Маҳалла” хайрия жамоат фонди Пахтакор тумани бўлими томонидан “Ҳар бир маҳаллага китоб” лойиҳаси ташкил этилди.
Мазкур лойиҳа доирасида 1-сектор раҳбари, Пахтакор тумани ҳокими Асилбек Ашуров ҳамда 2-сектор раҳбари, туман прокурори Икром Бегашов, 3-сектор раҳбари, туман Ички ишлар бўлими бошлиғи Элёр Аҳмедовлар иштирок этиб, маҳаллаларда маънавият бурчаги ва кутубхоналарни янги нашр китоблар билан бойитиш замирида инсон камолот чўққисининг пилла пояси эканлиги қайт этиб ўтишди.
– Китоблар ҳеч қачон ўз ўрнини йўқотмайдиган буюк куч бўлиб, маҳаллаларга топширилган китоблар ҳар бир маҳалланинг мўъжазгина кутубхонасидан ўрин олади, ундан аҳоли кенг фойдаланади. Зеро, бу адабиётлар бугун халқнинг маънавияти юксалиши учун энг зарур манбадир, – дейди “Маҳалла” хайрия жамоат фонди Пахтакор тумани бўлими раиси Анвар Саломов, –тумандаги маҳаллаларга етказилган китоблар тўплами, ҳар бир маҳаллада ўз кутубхонасини ташкил қилиш, аҳолини китобга бўлган қизиқишини орттириш, маҳалла аҳлининг бўш вақтини мазмунли ўтказиш ва маҳаллаларнинг маънавий хазинасини янада бойитишга хизмат қилади.
Лойиҳа доирасида фонд томонидан туманидаги маҳалла фуқаролар йиғинларига 50 номдаги нодир китоблар тўплами ажратилди.
Пахтакор тумани ҳокимли Ахборот хизмати
