Hokim va yoshlar uchrashuvi: Istiqbolli loyiha va tashabbuslar uchun muhim maydon

 
Toshkent MFY yoshlari bilan boʻlib oʻtgan “Hokim va yoshlar” uchrashuvida bir qator yoshlarning muammolari uchrashuv bog'ining oʻzida yechim topdi.
Paxtakor tumani hokimi A.Ashurov 2023 yilning 10-may kuni tumanimizning Toshkent mahalla fuqarolar yig'inidagi yoshlar bilan uchrashdi.Uchrashuvda mahalladagi yoshlarning intilish va tashabbuslarini qoʼllab-quvvatlash, isteʼdod va salohiyatini namoyon etishi uchun zamonaviy sharoitlar yaratishga alohida eʼtibor qaratilayotgani taʼkidlandi. Soʼnggi yillarda oʼsib kelayotan avlodga oid davlat siyosatining huquqiy asoslari mustahkamlanib, yoshlar masalalariga alohida eʼtibor qaratib kelinmoqda.Uchrashuvda tashabbuskor va faol yoshlar oʼzlarining kelajak rejalari, ularni qiynayotgan muammolar haqida ochiq-oydin muloqot qilindi. Ochiq va samimiy ruhda oʼtgan uchrashuvda yoshlarga taalluqli barcha dolzarb masalalar keng va toʼlaqonli qamrab olindi. Oʼzlarini qiziqtirgan masalalar, yangi gʼoya va tashabbuslari, tashvishga solayotgan muammolari yuzasidan tuman hokimiga toʼgʼridan-toʼgʼri murojaat qilib, savollariga javob olishdi.

 
Paxtakor tumani hokimligi axborot xizmati.