O‘zbekiston Mustaqilligining 32 yilligi arafasida Paxtakor tumani bo‘ylab Obodonlashtirish oyligi o‘tkazilmoqda
Vazirlar Mahkamasining 2023-yil 21-iyuldagi 459-F-son farmoyishi ijrosini ta'minlash maqsadida 30-iyuldan butun respublika bo'yicha Obodonlashtirish oyligi bo‘lib o‘tmoqda.
Maqsad O‘zbekiston Respublikasi mustaqilligining 32 yilligini keng nishonlashga puxta tayyorgarlik ko'rish, hududlarni obodonlashtirish va ko'kalamzorlashtirish ishlari ko'lamini yanada kengaytirish, ijtimoiy va ishlab chiqarish infratuzilmalarini yaxshilash, "mahalladan xonadongacha" tamoyili asosida mahallalar hududlarini obodonlashtirish orqali aholi farovonligini oshirishdir.
Obodonlashtirish oyligi davomida barcha hududlarda tozalik va ko'kalamzorlashtirishga qaratilgan tadbirlar tashkil etiladi. Shuningdek, chiqindi tashlash, daraxtlar kesilishi, atrof-muhitni ifloslantiruvchi holatlar ustidan nazorat yanada kuchaytiriladi.
Paxtakor tumanida ham erta tongdan tumandagi barcha korxona, tashkilotlar, kongillilar tashabbuskorlik bilan tuman markazida yig’ilib, keksalar duolari ila obodonlashtirish ishlarini boshlab yuborishdi. Dastlab katta yo’llar Paxtakor-Zafarobod, Paxtakor-Yangiyer, Jizzax-Gagarin yo’l yoqalari begona o’tlardan tozalash, daraxtlarni oqlash, yo’l belgilariga, betonlarga rang berish ishlari olib borilmoqda.
Obodonlashtirish oyligi 30-avgustga qadar davom etadi
