Жиззах вилояти Миллий гвардия бошқармасига янги раҳбар тайинланди

Яхшиликов Лочинбек Яхшиликович Миллий гвардия Жиззах вилояти бошқармасига раҳбар этиб тайинланди.

Бугун Жиззах вилояти ҳокимлиги мажлислар залида Ўзбекистон Республикаси Миллий гвардияси қўмондони, генерал-майор Рустам Жўраев, Жиззах вилояти ҳокими Эргаш Салиев ва бошқа фаоллар иштирокида бўлиб ўтган учрашувда полковник Лочинбек Яхшиликов Жиззах вилояти Миллий гвардия бошқармасига янги тайинланган раҳбар сифатида таништирилди.

Яхшиликов Лочинбек Яхшиликович 1977 йил 9 апрель санасида Самарқанд вилояти Жомбой туманида туғилган.

У 1998 йилда  Ўзбекистон Республикаси ИИВ Академияси ва 2008 йилда ИИВ Академияси Олий академик курсини тамомлаган.  

У тайинловга қадар Миллий гвардия марказий девони Жамоат тартибини сақлашни ташкил этиш бошқармаси бошлиғи лавозимида ишлаб келаётганди.

Вилоят ҳокимлиги ахборот хизмати