PAXTAKORDA “YONG‘IN XAVFSIZLIGI OYLIGI” DOIRASIDA “DOLZARB 30 KUN” TADBIRI O‘TKAZILMOQDA

 Mamlakatimiz bo‘ylab 1-iyuldan 1-avgust kuniga qadar “Yong‘in xavfsizligi oyligi” doirasida “Dolzarb 30 kun” tadbiri o‘tkazilmoqda. Ushbu tadbirda faol ishtirok etishingizni so‘raymiz

Paxtakor tumani hokimining o’rinbosari Oybek Amanov boshchiligida tumandagi mutasaddi tashkilotlar ishtirokida “Yong‘in xavfsizligi oyligi” doirasida “Dolzarb 30 kun” tadbiri aholi ko’p yig’iladigan Paxtakor buyum bozorida tashkil etildi.

Tadbirda ishchi-xodimlarga yong‘inlar va turli xildagi favqulodda vaziyatlarning kelib chiqishi va bunday hollarda qanday harakatlarni amalga oshirish lozimligi to‘g‘risida to‘liq ma’lumotlar berilib, yo‘l-yo‘riqlar ko‘rsatilmoqda. Shuningdek, tadbir davomida ishchi-xodimlarning bilim va ko‘nikmalarini oshirish maqsadida yong‘in o‘chirish mashg‘uloti o‘tkazilib, sohada qo‘llanilayotgan texnikalar va ularning imkoniyatlari namoyish etilmoqda.

Shuningdek bozor hududidagi tadbirkorlarga sanoat va texnika xavfsizligi qoidalariga rioya etish bo‘yicha yana bir bor eslatmalar berib o‘tilmoqda. Eslatib o‘tamiz, “Yong‘in xavfsizligi oyligi”ni namunali va xavfsiz o‘tkazish bo‘yicha ishlar davom ettirilmoqda.