Bank faoliyati Oʼzbekiston Respublikasi iqtisodiyotida eng tez rivojlanayotgan tizimlardan biridir. Banklarning kredit resurslari muqaddam ajratilgan kredit qarzlarining tasdiqlangan grafik asosida qaytarilishiga bogʼliq. Shunday ekan, maʼlum maqsadlarda kredit olgan shaxslarning bu borada oʼz masʼuliyatlarini oshirishi, yana kimningdir kredit resurslaridan foydalanishiga imkon yaratadi.
Maʼlumki, bank kreditlari koʼpchilik hollarda kafillik yoki garov evaziga beriladi. Аgar kredit olgan shaxs bank oldidagi majburiyatlarini bajarmagan taqdirda sud tomonidan kredit qarzdorliklarini garovdagi mulkiga qaratish yoki qarzdor va kafil fuqarolardan solidir tartibda undirish toʼgʼrisida ijro varaqasi chiqariladi.
Byuroning Paxtakor tuman boʼlimlari tomonidan kredit qarzdorliklarini undirish boʼyicha ijro hujjatlarining ijrosini taʼminlash borasida muayyan ishlar amalga oshirilmoqda.
Joriy yilning oʼtgan davrida 846 dan ortiq ijro hujjati boʼyicha 33,4 mlrd. soʼm qarzdorlik bank foydasiga undirilgan.
Shuningdek, banklar foydasiga undiruvlar bilan bogʼliq ijro hujjatlari boʼyicha jami 20 ta 6.7 mlrd. soʼmlik mol-mulklar xatlanib, 16 ta 5,2 mlrd. soʼmlik mulklar elektron onlayn-auktsion savdosiga chiqarilgan.