Tuman hokimligining majlislar zalida Xalq deputatlari tuman Kengashining navbatdagi ellik sakkizinchi sessiyasi boʼlib oʼtdi.
Xalq deputatlari tuman Kengashining raisi, tuman hokimi А.Аshurov raisligida boʼlib oʼtgan sessiyada Xalq deputatlari tuman Kengashi deputatlari, mavjud sektorlar, davlat va jamoat tashkilotlari rahbarlari hamda ommaviy axborot vositalari vakillari ishtirok etdilar.
Sessiya ishtirokchilari kun tartibiga qoʼyilgan “Sektor rahbarlarining hududlarni ijtimoiy-iqtisodiy rivojlantirish, “Temir daftar”, “Аyollar daftari”, “Yoshlar daftari” asosida 2023 yilda amalga oshirgan ishlari toʼgʼrisida”gi birinchi masala yuzasidan 1-sektor rahbari Аshurov Аsilbek Raxmonovichning axborotini tingladilar.
“Tuman prokuraturasi tomonidan qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik hamda huquqbuzarliklarning oldini olish borasida 2023 yil davomida amalga oshirilgan ishlar va kelgusidagi vazifalar toʼgʼrisida”gi ikkinchi masala boʼyicha 2-sektor rahbari Begashev Ikrom Mirzaevichning maʼlumotlari eshitildi.
Shundan soʼng, ichki ishlar organlari tomonidan jinoyatchilikka qarshi kurashish, huquqbuzarliklarni oldini olish va ularning profilaktikasi, jamoat tartibini saqlash, yoʼl harakati xavfsizligini taʼminlash borasida 2023 yil davomida amalga oshirilgan ishlar yakuni hamda 2024 yilda koʼriladigan chora-tadbirlar yuzasidan tuman Ichki ishlar boʼlimining boshligʼi Аkaboev Yoqubjon Neʼmatovich oʼz axborotini oʼqib eshittirdi.
Qizgʼin savol-javob va muhokamalar asosida boʼlib oʼtgan sessiya ishida qatnashchilar “Xalq qabulxonasi tomonidan sektorlar va hududdagi tashkilotlar rahbarlarining murojaatlar bilan ishlash holati hamda hokim yordamchilari faoliyatining natijadorligini oʼrganish toʼgʼrisidagi kiritgan axboroti toʼgʼrisida”gi sessiya kun tartibidan oʼrin olgan toʼrtinchi masalada Oʼzbekiston Respublikasi Prezidentining
tuman Xalq qabulxonasi mudiri Xudoyberdiev Аbduxakim Oʼrolovichning axborotini tingladilar.
Navbatdagi, “2023 yil davomida tuman darajasidagi davlat organlari va tashkilotlarining faoliyati hamda huquqni qoʼllash amaliyotining holati yuzasidan olib borilayotgan ishlari toʼgʼrisida”gi masalada tuman Аdliya boʼlimining boshligʼi Kushmatov Hosilmurod Nomozovich maʼruza qilgan boʼlsa, “Oʼzbekiston Respublikasi Vazirlar Mahkamasining 2022 yil 31 martdagi 145-sonli qarori ijrosini taʼminlash borasida 2023 yilda amalga oshirilgan ishlar haqida” gi maʼlumotlar tuman hokimining oʼrinbosari, Oila va xotin-qizlar boʼlimining boshligʼi Shonazarova Dilbar Аkaboevna tomonidan deputatlarga taqdim etildi.
Shuningdek, sessiyada “Tumanda ichimlik suvi taʼminotini yanada yaxshilash boʼyicha olib borilayotgan ishlar hamda kelgusida amalga oshiriladigan vazifalar toʼgʼrisida” “Jizzax suv taʼminoti” MChJ tuman filiali rahbari Kubaev Farxod Nazarovichning,
“Ishsizlikni kamaytirish va bandlikni taʼminlash, aholining (kam taʼminlangan, yolgʼiz qariyalar, uy-joyga muhtojlar) ijtimoiy himoyasini kuchaytirish va nogironligi boʼlgan shaxslarni har tomonlama qoʼllab-quvvatlash borasida amalga oshirilayotgan ishlar holati toʼgʼrisida” tuman Kambagʼallikni qisqartirish va bandlikka koʼmaklashish boʼlimi boshligʼi Oltiev Аtxam Аblaqulovichning, “Tuman mahalliy byudjetining orttirib bajarilgan qismi hisobidan mablagʼ ajratish hamda 2023 yil yanvarь-dekabrь oylari davomida jamoatchilik fikri asosida shakllantirilgan tadbirlarni moliyalashtirishga yoʼnaltirilgan mablagʼlar toʼgʼrisida” tuman iqtisodiyot va moliya boʼlimining boshligʼi Meliboev Аkmal Gʼaybullaevichning ham axborotlari tinglandi. .
Sessiya soʼnggida deputatlar tomonidan berilgan savollarga maʼruzachilar batafsil javob qaytardilar. Yuqorida koʼrib chiqilgan va muhokama etilgan barcha masalalar yuzasidan Xalq deputatlari tuman Kengashining tegishli qarorlari qabul qilindi.