Tuman hokimligi binosida boʻlib oʻtgan video muloqatda Samarqand va Toshkent mahallalar yettiliklari, huquqni muhofaza qiluvchi idoralar va tegishli tashkilotlar mutasaddilar ishtirok etdi.
Videomuloqotda tuman hokimi Paxtakorda aholi bandligini taʼminlash, yangi ish oʻrinlari yaratish borasida amalga oshirilayotgan ishlar haqida toʻxtalib, yil boshida xorijda yurgan paxtakorlik kam daromadli migrantlarni yurtga qaytarish choralari koʻrilayotgani haqida soʻz yuritdi.
Shundan soʻng ayni vaqtda xorijda boʻlgan ikki mahalla yoshlari bilan onlayn muloqotga kirishildi.
Tuman rahbari chet eldagi yoshlarning muammolarini tinglab, ularga yechim topish yuzasidan mutasaddilarga koʻrsatma berdi.
Eʼtiborlisi, tuman hokimi bilan onlayn suhbatlashgan yoshlarning aksariyati Paxtakorga qaytish istagini bildirdilar. Buning uchun ularga mos ish oʻrinlari taklif etildi, biznes qilish maqsadi borlarga kreditlar ajratilib, qoʻllab-quvvatlanadigan boʻldi.
Bugungi kunda Rossiya, AQSH, Angliyadagi oliy oʻquv yurtlarida AyTi sohasida tahsil olayotgan yoshlar ham oʻz taklif va mulohazalarini bildirdi.
Muloqotda ishtirok etgan ota-onalar va yoshlar vakillari koʻrsatilayotgan bunday eʼtibor va gʻamxoʻrlik uchun minnatdorlik izhor qildi.
Tuman hokimligi, yoshlar ishlari agentligi, kambagʼallikni qisqartirish va bandlik boʼlimi, tegishli tashkilot, korxona, muassasa va idoralar bilan birgalikda mehnat migrantlari va talaba yoshlar Toshkent MFYda yashovchi Rossiya davlatida qurilish sohasida ishlayotgan Аkbarov Mansur, Jabborov koʼchasida yashovchi Qozogʼiston Respublikasida qurilish sohasida ishlayotgan Najmiddinov Ozodbek, Jabborov koʼchasida yashovchi Janubiy Koreya davlatida Oliy taʼlim muassasasida taʼlim olayotgan Аbdakimov Murodullolar bilan video konferentsiya aloqa orqali uchrashuvda o’z takliflarini bildirdi.
Uchrashuvda, yoshlarning yashash, ishlash sharoitlari, muammolari, huquqiy va qonuniy manfaatlari, ularni zamonaviy kasb-hunarlarini puxta egallash uchun munosib sharoitlar yaratish, ishbilarmonlik, kichik biznes va xususiy tadbirkorlikka keng jalb etish, bandligini taʼminlash, noqonuniy migratsiyani oldini olish boʼyicha amalga oshirilayotgan ishlar tushuntirildi