Jizzax viloyati hokimining Qishloq xo’jaligi masalalari bo’yicha o’rinbosari Oybek Ashurmatov, tuman hokimi Asilbek Rahmonov hamda fermer xo’jalik raislari, fermerlar ishtirokida Paxtakor FXXU “Paxtakor Alpomish” fermerligida paxta ekin maydoniga ishlov berish, tabiy va mineral o’g’itlar bilan oziqlantirish borasida PRESS-TUR tashkil etildi.
Bu borada O.Ashurmatov o’zining takliflarini berib o’tdi. Ma’lumki, o‘simlik ekiladigan har bir yerning o‘z ehtiyojlari bo‘ladi. Yerga qanday elementlar yetishmayotganini yilda bir marotaba bo‘lsada, tahlil qilish zarur. Paxta fosfor va kaliy bilan taqqoslaganda ikki barobar azot iste’mol qiladi.
Agar tuproqdan tahlil olish imkoni bo‘lmasa, paxtaga azot, fosfor, kaliy (1:0,7:0,5) nisbatiga ko‘ra berilishi optimal variant hisoblanadi.
Paxtani ekishdan oldin fosfor va kaliy oʻgʻitlari beriladi. Azotli oʻgʻitlar esa, paxtaning vegetatsiya (shonalash) davrida berilishi maqsadga muvofiq. Azotli oʻgʻitlarining kech berilishi, paxtaning kech yetilib pishishiga olib keladi.
E’tibor bering: agar tuproqda fosfor yetishmasa, o‘simlik sekin rivojlanadi. Ildiz tizimi nimjonlashadi, barglarida esa qizil tomirchalar paydo bo‘ladi. Kaliy yetishmasligida esa, o‘simlik barglarida jigarrang dog‘lar paydo bo‘ladi va berilgan azotli oʻgʻitni oʻsimlik toʻligʻicha oʻzlashtira olmaydi
Paxtakor FXXUda 32 ta fermerlik mavjud bo’lib 2024 yil mavsumida 1473 gektarda paxta ekilgan.
Bugungi kunda gektariga tabiy o’g’it 5 tonnadan oqizilib sharbatlab sug’orish ishlari olib borilmoqda.