Rasmiy munosabat:
Rasmiy munosabat: (17.12.2022) Ijtimoiy tarmoqlarda tarqalgan “Paxtakor tumani Prokuraturasiga murojaat Xabaringiz bor bundan sanoqli oylar oldin. Har bir xonadon uchun maxsus uy raqamlari tushirilgan (tunkachalar) majburiy sotilgan edi. Mana oradan koʻp vaqt oʻtmasdan shu holat yana takrorlanmoqda. Yana majburiy xalqdan pul undirish holatlari boshlandi. Shaxsiy fikrimcha buning orqasidan qaysidir akaxon soqqa qilmoqda. Mas'ullardan rasmiy javob kutib qolamiz” ruknida tarqalgan murojaatga raddiya.
Tuman hokimligi ishchi guruhi, tuman prokuraturasi bilan hamkorlikda murojaat o’rganildi. O‘zbekiston Respublikasining 2011-yil 12-oktabrdagi “Geografik obyektlarning nomlari to‘g‘risida”gi 303-sonli Qonuni va O‘zbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlari to‘g‘risida”gi O‘zbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 295-sonli qarori, O‘zbekiston Respublikasi Qonuniga qo’shimcha o’zgartirishlar kiritishhaqidagi 2022 yil 2 noyabrdagi 799-sonli qonuniga asosan tumanda takrorlanuvchi ko‘cha nomlari mavjudligi, bu zarur hollarda tez tibbiy yordam, favqulodda vaziyatlar bo‘limini, ichki ishlar bo‘limini va boshqa tezkor chaqiruvlarda tumanimiz aholisiga manzilni tushuntirish bilan bog‘liq muammolarni yuzaga keltirayotganligni inobatga olib tumanda takrorlanuvchi va muvofiq bo‘lmagan ko‘chalarni mahalla fuqarolar yig‘ini raisi va mahalla faollarining fikrlarini inobatga olib 182 ta ko‘chalar yangidan nomlangani va har bir uylarni raqamlashtirish maqsadida, Paxtakor tumani Mahalla va nuroniylarni qo’llab-quvvatlash bo’limining 2022 yil 29 noyabrdagi 274-sonli xatiga asosan “USEFUL SCIENTIFIC TIPS” MCHJ rahbari S.Karimov tomonidan 15 ta mahalla fuqarolar yig’inlarida har bir xonadon uchun bitta uy raqami 15 000 (o‘n besh ming) so‘m etib belgilab, ijtimoiy yagona restrda turuvchi fuqarolarning xonadonlariga bepul tarqatish hamda raqamni olish ixtiyoriy ekanligi aniqlandi.
Hurmatli fuqarolar siz o’z huquqingizdan foydalangan holda tadbirkordan qonuniy xujjat talab qilishga xaqlisiz.
