Рамазон – кечириш, оила муносабатларини мустаҳкамлаш ва албатда ярашиш ва муроса ойидир.

 Муборак Рамазон ойига кирар эканмиз, биз нафақат барча келишмовчиликларни ортда қолдиришимиз, балки севимли ва яқин инсонларимиз билан келажакда тинч-тотув яшашни ўрганишимиз лозим. Ҳаётда шундай пайтлар ҳам бўладики, энг керакли сўзларни ичимиздан чиқариш энг қийин ишга айланади.

Фуқаролик ишлари бўйича Дўстлик туманлараро судининг 24.08.2020 йилдаги ижро варақасига асосан, фуқаро И.М.дан турмуш ўртоғи Н.М. фойдасига турмушларидан икки нафар фарзандлари таъминоти учун алимент ундириш белгиланган.

Ушбу ижро хужжати Бюронинг Пахтакор туман бўлимига 25.02.2020 йил куни келиб тушган ва шу куннинг ўзида ижро иши қўзғатилган.

Ижро харакатлари давомида давлат ижрочиси томонидан 2 нафар норасида фарзандларнинг ота-онасига тўғри тушунтиришлар ва ҳуқуқий маслахатлар берилди.

Натижада муборак Рамазон ойларида гина-қудратларни унутилиб, оила қайта тикланишига ва ижро хужжати амалда тамомланишига эришилди.