Hokim qabuli: HAR BIR MUROJAAT - E’TIBORDA
Bugun Paxtakor tumani Olmazor mahallasida tuman hokimi Asilbek Ashurovning fuqarolar bilan navbatdagi qabuli o‘tkazildi. Qabulda hokim fuqarolar bilan yuzma-yuz suhbatlashib, murojaatlarini birma-bir tingladi. Ular qo‘ygan muammolar bo‘yicha xalq qabulxonasi va boshqa tegishli tashkilotlar mutasaddilari ishtirokida zarur choralar ko‘rdi. Ayrim murojaatlarda ko‘rsatilgan masalalarni hal etish yuzasidan tegishli mutasaddilarga aniq topshiriq va ko‘rsatmalar berdi. Qabul davomida fuqarolarning murojaatlari eshitildi. Moddiy yordam ajratish, ishga joylashish, imtiyozli kredit olish, gaz, suv, elektr ta’minotini yaxshilash kabi murojaat joyning o‘zida ijobiy hal etildi. 1 nafar fuqaroga moddiy yordam ajratish belgilanib, qo‘shimcha o‘rganish, muddat talab etilgan murojaatlarga atroflicha tushuntirishlar berilib ijrosi nazoratga olindi.
Olmazor mahallasida olib borilgan “Obod xonadon, obod ko’cha, obod mahalla” me’zonlari asosida bajarilgan ishlar yuzasidan mahalla oqsoqollari, nuroniy otaxonlar tomonidan minnatdorchiliklar bildirildi.