Paxtakor tumanida Qishloq xo'jaligidagi islohotlarning olib borilishi yuzasidan viloyat hokimining Qishloq xo’jaligi masalalari bo’yicha o’rinbosari Oybek Shodmonqulovich seminar o’tdi. Bo’lib o’tgan seminarda tuman sektor rahbarlari, fermer xo’jaliklar uyushmasi raislari hamda fermerlar ishtirok etdi.

Mamlakatimiz qishloq xo'jaligi bo'yicha ulkan salohiyatga ega. Bozorlarimiz to'kin, xalqimiz rizqi mo'l-ko'l bo'lishidan tortib eksportdan qo'shimcha daromad topishgacha bo'lgan juda ko'p masalalar shu soha bilan bog'liq.

Keyingi yillarda qishloq xo'jaligini isloh qilish va bozor mexanizmlarini joriy etish bo'yicha qator ishlar amalga oshirildi. Davlat xarid narxlari qariyb 3 barobarga ko'paytirilgani natijasida manfaatdorlik oshdi. Paxtachilik va g'allachilik hashar emas, chinakam daromad manbaiga aylandi.

Yangi texnologiya va innovatsiyalarni joriy qilish, mehnat unumdorligi va ish haqini oshirish maqsadida paxta-to'qimachilik klasterlari tashkil etildi.

Prezidentimiz faqat bugunni emas, balki ertangi kunni ham o'ylab, uzoqni ko'zlab islohotlarni yangi bosqichga ko'tarish vazifasini qo'ymoqda. Shu maqsadda qishloq xo'jaligini rivojlantirishning 2020-2030 yillarga mo'ljallangan strategiyasi ishlab chiqildi. Bu iqtisodiyotimizning asosiy o'sish nuqtasi, "drayveri" bo'ladi. Ming-minglab ish joylari yaratiladi, odamlarning daromadi oshadi.

Bugungi issiq kunlarda paxtaga o’z vaqtida suv berish, agregat ishlarini olib boorish, bundan tashqari takroriy ekinlar parvarishiga jiddiy e’tibor qaratish lozimligi borasida tegishli topshiriqlar berib o’tdi.