Kadastr agentligi Paxtakor tuman boʼlimi tomonidan 6 oy davomida amalga oshirilgan ishlar yuzasidan BRIFING

 Oʼzbekiston Respublikasi Prezidentining 2020-yil 7-sentyabrdagi “Oʼzbekiston Respublikasi Davlat soliq qoʼmitasi huzuridagi Kadastr agentligi faoliyatini tashkil etish chora tadbirlari toʼgʼrisida” gi PQ-4819-sonli Qarori hamda Oʼzbekiston Respublikasi Vazirlar Maxkamasining 2021-yil 12-fevraldagi “Oʼzbekiston Respublikasi Davlat soliq qoʼmitasi huzuridagi Kadastr agentligi toʼgʼrisidagi hamda Kadastr agentligining Davlat kadastrlar palatasi toʼgʼrisidagi nizomlarni tasdiqlash haqida” gi 66-sonli qarorlariga asosan kadastr agentligi tashkil etilib asosiy vazifalari belgilab berilgan.

Bundan tashqari, Oʼzbekiston Respublikasi “Maʼmuriy javobgarlik toʼgʼrisida”gi Kodeksining 2661 –moddasi bilan kadastr agentligiga yuridik va jismoniy shaxslarni maʼmuriy javobgarlikga tortish vakolati berilgan.

Kadastr agentligi Paxtakor tuman boʼlimida xozirgi kunda 3 nafar inspektor oʼz xizmat vazifalarini olib bormoqda.

Kadastr agentligi tuman boʼlimi tomonidan joriy yilning ortda qolgan davrida 99 ta (MJtK 60-moddasi 2-qismi 29 ta, 60-moddasi 3-qismi bilan 39 ta, 681-moddasi bilan 31 ta) maʼmuriy huquqbuzarlik toʼgʼrisida ishlar koʼrib chiqilib, huquqbuzarlarga nisbatan 1 mlr. 653 mln. 420 ming soʼm maʼmuriy jarimalar qoʼllanilgan.

Yer nazorati tizimida olib brilgan tadbirlari natijasida tuman boʼyicha 196 ta holatda 4,64 gektar yer maydoni yuridik va jismoniy shahslar tomonidan oʼzboshimchalik bilan egallab olganligi va qurilish qilganligi aniqlandi.

Shundan, 126 ta (2,08 ga) holatda MJtKning 60-moddasi 2-qismi (er uchastkalarini oʼzboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud boʼlmagan holda ulardan foydalanish) hamda 70 ta (2,57 ga) holatda MJtKning 60-moddasi 3-qismi (oʼzboshimchalik bilan egallab olingan, ajratilgan yer uchastkasiga tutash boʼlgan va tutash boʼlmagan yer uchastkalarida qurilish ishlarini amalga oshirish) bilan jismoniy va yuridik shaxslarga nisbatan maʼmuriy bayonnoma shakillantirildi.

Oʼzboshimcha egallab olingan yer maydonlarini ixtiyoriy bartaraf etilmagan obʼektlarni maʼjburiy tartibda buzdirish uchun 55 ta holatda Fuqarolik ishlari boʼyicha tuman sudiga daʼvo arizalari kiritildi, shundan 10 ta holatda daʼvo qanoatlantirildi, 2 ta holatda fuqaro oʼz ixtiyori bilan bartaraf etganligi uchun daʼvo rad etildi va 42 ta holatda sud jarayoni davom etmoqda.

Bundan tashqari, tuman hududida 13 ta (5.3 gektar) holatda ajratib berilgan yer maydonlaridan maqsadsiz foydalanish holati aniqlandi hamda ushbu holatlar yuzasidan boʼlim tomonidan tuman hokimligiga maqsadsiz foydalanmayotgan yer maydonlarini yer fondi zaxirasiga davlat mulki sifatida qaytarish haqida taqdimnoma kiritildi va 3 ta (1,6 ga) holatda yer maydonlari zaxiraga qaytarildi. Qolgan 10 ta (3,7 ga holatda yer maydonlarini zaxaraga qaytarish ishlari olib borilmoqda.

Oʼzbekiston Respublikasi Vazirlar Mahkamasining 2023 yil 25 avgustadagi 424-sonli qarori koʼchmas mulk obʼektlarni belgilangan muddat ichida davlat roʼyxatidan oʼtkazmaganligi uchun 31 ta holatda yuridik va jismoniy shaxslarga 97 mln 920 ming soʼm jarima jazosi tayinlangan hamda 35 million 530 ming soʼm jarima undirilgan.

Bundan tashqari, Dilorom MFY hududi obod qishloq dasturiga tushganligi sababli hududni obodonlashtirish jarayonida fuqarolar tomonidan yer maydonlarini oʼzboshimchalik bilan egallab olish holatlari bartarf etilishi natijasida aholiga qulayliklar yaratildi.

Kadastr agentligi Paxtakor tuman boʼlimi boshligʼi v.b I.Berdiqulov