Paxtakor tumanida senatorlarning targ‘ibot tadbirlari davom etmoqda

 O‘zbekiston Respublikasi Oliy Majlis Senati aʼzosi, Senatning Agrar va suv xo‘jaligi masalalari qo‘mitasi raisi o‘rinbosari Siddiqov Risqul Ergashboyevich,  O‘zbekiston Respublikasi Oliy Majlis Senati aʼzosi Suyarova Sanobar Zarfullayevna hamda tuman hokimi A.Ashurov boshchiligida Paxtakor tumanidagi mahallalarda uchrashuv va muloqotlar o‘tkazdi.

Tadbirda yurtimizda amalga oshirilayotgan islohotlar, tadbirkorlar, xotin-qizlar, yoshlar faolligini oshirish, ishsizlikni qisqartirish borasida qilinayotgan ishlar, ijtimoiy himoyaga muhtoj oilalar holidan xabar olish borasidagi ishlar bilan yaqindan tanishildi.

Shuningdek, Senatorlar tumanning “Do‘stlik” va "Olmazor” MFYlarda “Mahalla yettiligi” vakillari bilan suhbatlashib, Prezidentimiz tomonidan yaratib berilayotgan qulayliklar, ushbu o‘zgarishlarni mahalla ahli o‘z hayotida his qilishlari kerakligi yuzasidan taklif va tavsiyalar berdi hamda mahalla aholisi bilan uchrashdi.

Shuningdek, ushbu mahallalarda Sayxunobod, Uychi, Zarbdor va G‘ijduvon tajribalari asosida aholini tadbirkorlikka jalb qilish, bandligini ta’minlash va daromadlarini oshirish bo‘yicha tavsiyalar berib, mazkur yo‘nalishda amalga oshirilgan ishlar bilan tanishdi.

Jumladan yosh tadbirkor Gulruh zamonaviy quroqchiligi bilan tanishdi. Tuman hokimligi tomonidan davlat zaxirasida bo’lgan ikkita xona ijarasiz zamonaviy quroqchilikga ajratib berildi. Bugungi kunda yosh tadbirkor Gulruh tomonidan 40ga yaqin fuqarolar ish bilan ta’minlanib, Paxtakor tumanida tayyorlanayotgan zamonaviy quroqlar 30 ga yaqin davlatlarga eksport tarzida savdolari yo’lga qo’yilgan.