PAXTAKOR TUMANI SEKTOR RAHBARLARI TOMONIDAN XORIJDAGI YOSHLAR BILAN ONLAYN MULOQOT O’TKAZILDI

 Mazkur videomuloqot Mingchinor, Paxtakor, Oltinko’l, Samarqand mahalla fuqarolar yig’inlarining xorijdagi yoshlari bilan video muloqat tashkil etildi. Samimiy ruhda bo’lib o’tgan muloqotda tuman hokimi, sektor rahbarlari xorijdagi sharoitlar xususida gapirdilar.

Paxtakor tumani hokimligi binosida bo’lib o’tgan videomuloqotda tuman sektor rahbarlari, tuman hokimining o’rinbosarlari, Yoshlar ishlari tuman bo’limi boshlig’i va tegishli tashkilot mutasaddilari ishtirok etdilar.

Videomuloqotda tuman hokimi va tuman prokurori tumanda ishsiz fuqarolarning bandligini ta'minlash, yangi ish o’rinlari yaratish borasida amalga oshirilayotgan ishlar haqida to’xtalib, yil boshida xorijda yurgan Paxtakorlik migrantlar bilan olib borilgan amaliy ishlar natijasiga to’xtalib o’tishdi.

Shundan so’ng ayni vaqtda xorijda bo’lgan 50 ga yaqin yoshlar bilan onlayn muloqotga kirishildi. Tuman rahbarlari chet eldagi yoshlarning muammolarini tinglab, ularga yechim topish yuzasidan chora-tadbirlar belgilnishini qayd etdilar.

E'tiborlisi, Paxtakor tumani hokimi hamda sektor rahbarlari bilan onlayn suhbatlashgan yoshlarning aksariyati Paxtakorga qaytish istagini bildirdilar. Buning uchun ularga mos ish o’rinlari taklif etildi, biznes qilish maqsadi borlarga kreditlar ajratilib, qo’llab-quvvatlanadigan bo’ldi.

Bugungi kunda Rossiya, Malayziya, Amerika va boshqa chet el oliy o’quv yurtlarida tahsil olayotgan yoshlar ham o’z taklif va mulohazalarini bildirdi.

Muloqotda ishtirok etgan yoshlar vakillari ko’rsatilayotgan bunday e'tibor va g’amxo’rlik uchun minnatdorlik izhor etdilar.

Paxtakor tumani hokimligi Axborot xizmati rahbari