RO‘ZADORLARGA IFTORLIK DASTURXONI YOZILDI
Muborak Ramazon oyida butun respublikamizda bo‘lgani kabi tumanimizdagi mahallalarda ham xalqimizning roziligini olish, insonlar o‘rtasida xayru saxovat va mehr-muhabbat rishtalarini yanada mustahkamlash maqsadida ezgu va xayrli ishlar amalga oshirilmoqda. Xususan, tumanimizdagi “Chamanzor” mahallasida yashovchi kam ta’minlangan, ehtiyojmand, nogironligi bor bo‘lgan, shuningdek, nuroniylar uchun tuman hokimligi, sektor rahbarlari va “Mahalla” xayriya jamoat fondi tuman bo‘linmasi tashabbusi bilan iftorlik dasturxoni yozildi.
To‘kin dasturxon atrofida jam bo‘lgan nuroniy otaxonu onaxonlar yurtimizga tinchlik, oilalarimizga totuvlik, ro‘zg‘orimizga qut-baraka, shunday ehsonlarga bosh-qosh bo‘lib turgan barcha rahbarlar ishlariga rivoj tilab, duo qilishdi. Bu kabi iftorliklar tumandagi har bir mahallalarda davom etmoqda.