Tibbiyot xodimlari tashabbusi bilan Referendum targʻibot tadbirlari davom etmoqda

 Ayni kunlarda, Respublikamiz bo‘ylab “Konstitutsiya meniki, seniki, bizniki! Konstitutsiya o‘zimizniki” shiori ostida konstitutsiyaviy qonun loyihasi bo‘yicha targ‘ibot tadbirlari tashkil etilmoqda. 

Tuman tibbiyot birlashmasi xodimlari bilan yangilanayotgan Konstitutsiya yuzasidan Referendumga bagʻishlangan tadbirda yangi Konstitutsiyaning mazmun-mohiyati, uning ijtimoiy yoʻnalishi, Konstitutsiyaning asosiy boʻlimlari va normalari, uning xalq hayotidagi ahamiyati haqida maʼlumotlar berildi,

Tadbirda so’zga chiqqanlar mamlakatimizda amalga oshirilayotgan islohotlar, yangilanayotgan Konstitutsiyamizda yoshlar, ta’lim, tibbiyot sohalariga alohida e’tibor berilganligi haqida so‘z yuritdi.

Referendum jarayonlariga befarq bo‘lmay barcha birdek faol ishtirok etishi, har bir fuqaroning avvalo o‘zi hamda vatanimiz taraqqiyoti yo‘lida muhim ekanligi aytib o‘tildi. Tadbir ishtirokchilari yangilanayotgan Konstitutsiya loyihasi va referendum haqida to‘liq ma’lumotlarga ega bo‘ldilar.

Tadbir so’ngi tuman madaniyat bo’limi xushovoz xonandalari ishtirokida kuy qo’shiqlar raqslarga burkandi.