“Yosh qutqaruvchi” musobaqasi g‘oliblari aniqlandi
Jizzax viloyati FVB hamda tegishli idoralar hamkorligida "Yosh qutqaruvchi – 2023" musobaqasining viloyat bosqichi bo‘lib o‘tdi. Har yili an’anaviy ravishda o‘tkazib kelinayotgan mazkur musobaqa bu yil ham qiziqarli va bahslarga boy tarzda o‘tdi. Unda shahar va tuman bosqichlarida g‘oliblikni qo‘lga kiritgan 20 ta jamoa 5 ta shart bo‘yicha g‘oliblik uchun o‘zaro bellashdilar.
Jizzax viloyati JFVVBga qarashli Yong'in xavfsizlik bo'limida bo'lib o'tgan musobaqada faxrli I-o'rinni Paxtakor tumani "Alanga" jamoasi qo'lga kiritgan bo'lsa, II-o'rin Arnasoy tumaga, III-o'rin Forish tumani jamoalariga nasib etdi.
Musobaqa davomida “Eng xamjihat jamoa”, “Eng bilimdon jamoa”, “Eng yaxshi tibbiy yordam ko‘rsatgan jamoa” kabi nominatsiyalar bo‘yicha ham g‘oliblar aniqlandi. G‘olib va sovrindorlar hamkor tashkilotlarning diplom va qimmatbaho sovg‘alari bilan taqdirlandi.
