Paxtakorda huquqiy murojaatlar o’rganildi
"Jismoniy va yuridik shaxslarning murojaatlari to'g'risida"gi O'zbekiston Respublikasi qonuniga muvofiq davlat organlarining rahbarlari yoki boshqa vakolatli shaxslari tomonidan sayyor qabullar tashkil etilishi, qonun ijrosini ta'minlash yuzasidan 14-iyun kuni soat 9-00 da Paxtakor tumani Buyuk ipak yo'li mahallasida jismoniy va yuridik shaxslar ishtirokida sayyor qabul tashkil etildi.
Jizzax viloyat Adliya boshqarmasi, Paxtakor tumani hokimligi, tuman Adliya bo’limi, tuman Davlat xizmatlar agentligi hamda mutasaddi tashkilotlar ishtirokidagi qabulda fuqarolar o’zlarini qiynab kelayotgan muammolari bilan murojaatlar qildilar. Aksariyat murojaatlar joyida qonuniy tushuntirishlar orqali o’z yechimini topdi. Vaqt, mablag’ talab qiladigan murojaatlar tegishliligi bo’yicha tashkilotlarga topshirilib nazoratga olindi.