Paxtakor tumani maktablarida 2023-2024 o'quv yili birinchi qoʼngʼirog'i chalindi
Maroqli yozgi taʼtildan soʼng yangi oʼquv yili boshlandi. Qoʼllarida gul, qalbda hayajon bilan sevimli maktabi tomon oshiqayotgan oʼquvchi-yoshlarning sevinchlari cheksiz.Maroqli yozgi taʼtildan soʼng yangi oʼquv yili boshlandi. Qoʼllarida gul, qalbda hayajon bilan sevimli maktabi tomon oshiqayotgan oʼquvchi-yoshlarning sevinchlari cheksiz.
Bugun Paxtakor tumani yoshlarini oʼz bagʼriga chorlagan barcha umumtaʼlim maktablarida birinchi qoʼngʼiroq chalindi.
Muassasalarda “Mustaqillik bayrami” va “Bilimlar kuni” munosabati bilan oʼtkazilayotgan bayram tadbiri "Yangi hayot uchun, yangi Oʼzbekiston uchun!"shiori ostida tashkil qilindi.
Tumandagi 11-sonli umumtaʼlim maktabida tashkil etilgan bayramda tuman hokimi Asilbek Ashurov, maktab sobiq o'qituvchi faxriy ustozlari, ota-onalar, mahalla va hamkor tashkilotlar vakillari ishtirok etishdi.
Unda tuman hokimi soʼz olib, mamlakatimizda taʼlim sohasida amalga oshirilayotgan islohotlar to'g'risida gapirib barchani bugungi kun bilan muborakbod etdi.
Shundan so'ng tuman hokimi maktabga ilk qadam qo'ygan 1-sinf o'quvchilariga Prezident sovg'alarini taqdim qildi.
Tadbirda birinchi qoʼngʼiroq chalingach, ramzi tasma kesildi va oʼquvchilar “Mustaqillik darsi” bilan darslarni boshlab yuborishdi.
