Жиззахлик тадбиркор аёл «ANOR -2023» кўрик танловининг республика босқичида ғолиб деб топилди
Яқинда республика «ANOR -2023» кўрик - танлови якунланди.
Учрашувлар, ижодий тақдимотлар, конструктив юзма-юз мулоқот ва аёллар тадбиркорлигида янги номларнинг кашф этилиши билан тўлдирилган ҳафталик ўз ниҳоясига етди.
Ҳафтанинг тожи - «ANOR -2023» танлови бўлди - энг намунали, ҳақиқий ижодкор ва моҳир тадбиркорлар кўригининг якуни.
Мамлакатимизнинг барча ҳудудларидан тўққиз нафар ишбилармон аёллар учта номинация бўйича Энг яхши деб топилди.
«Энг яхши ишлаб чиқарувчи» номинациясида биринчи ўринни Наманган вилоятида фаолият юритаётган тадбиркор Феруза Абдуқаҳҳарова эгаллади.
«Энг яхши фермер»номинациясида Қашқадарёлик фермер Дилдора Мўминова биринчи бўлди.
«Энг яхши аҳолига хизмат кўрсатувчи» номинациясида биринчи ўрин Жиззах вилоятидан Ойниса Қаршибоевага насиб этди.
