Paxtakorda "Yangi O‘zbekiston - maʼrifatli jamiyat” shiori ostida tadbir o‘tkazildi
2023-yil 18-yanvar kuni Paxtakor tumanida O‘zbekiston Respublikasi Vazirlar Mahkamasining 2024-yil 12-yanvardagi 06/1-3380-son xatiga asosan tuman Oila va xotin-qizlar bo‘limi, Paxtakor tuman hokimligi innovatsiyon rivojlanish bo‘limi, tuman Madaniyat bo‘limi bilan hamkorlikda Paxtakor tumanida xotin-qizlarning maʼnaviy yuksalishiga erishish, maʼnaviy-maʼrifiy ishlarni tizimli tashkil etish, xotin-qizlarda vatanga va xalqqa sadoqat tuyg‘usini yana-da kuchaytirish, oilalarni mustahkamlash va xotin-qizlarning ijtimoiy-siyosiy faolligini oshirish maqsadida O‘zbekiston Respublikasi Prezidentining 2023 yil 21 dekabrdagi "Oila va xotin-qizlar qo‘mitasining faoliyatini takomillashtirishga oid qo‘shimcha chora-tadbirlar to‘g‘risida" PF-208-son Farmoni va "Oilalarni mustahkamlash va xotin-qizlarning faolligini oshirish bo‘yicha qo‘shimcha chora-tadbirlar to‘g‘risida" PQ-401-son qarori ijrosini taʼminlash maqsadida tuman bo‘yicha "Yangi O‘zbekiston - maʼrifatli jamiyat” shiori ostida tadbir o‘tkazildi.
Tadbirni bayramona kayfiyatda o‘tkazish maqsadida tadbir dasturiga tumandagi taniqli mahalliy sanʼatkorlar, "Barkamol avlod" bolalar maktablari, Bolalar musiqa va sanʼat maktablarining badiiy guruhlari ijodiy chiqishlar qildi.
Shuningdek, tadbirga mahalla, tashkilot va korxonalardan xotin-qizlar, mamlakatimizda oila va xotin-qizlarni qo‘llab-quvvatlash borasidagi olib borilayotgan islohotlar natijasida hayoti ijobiy tomonga o‘zgargan xotin- Qizlar, ijodkor qizlar, davlat mukofotini olgan ayollar, taʼlim, sog‘liqni saqlash va madaniyat tizimidagi fidoyi va obro‘-eʼtiborga ega bo‘lgan ayollar, yozuvchi va shoiralar, muvaffaqiyatga erishgan tadbirkor ayollar va "Ayollar daftari" orqali hayoti yaxshilangan ayollar hamda "Oqila ayollar" harakatini faol va tashabbuskor ayollari taklif etildi.
