АYOLGА EHTIROM, VАTАNGА EHTIROM
Tumanda 2521 nafar xotin-qiz “Аyollar daftari”ga kiritilgan. 562 nafar xotin-qizlarning bandligini taʼminlash maqsadida ularga amaliy koʼmak berilayotir. 62 nafar ayolga oʼz tadbirkorligini yoʼlga qoʼyish uchun imtiyozli kreditlar ajratildi. 962 nafar boquvchisini yoʼqotgan, 466 nafar nogironligi boʼlgan, 424 nafar ehtiyojmand ayollarga moddiy yordam berildi. 130 nafar ayollar respublikamizning diqqatga sazovor joylariga bepul sayohatga yuborildi. 45 nafariga ijara kompensatsiya toʼlovlari toʼlab berildi. 800 nafar xotin-qizlar tibbiy onkologik skriningdan oʼtkazildi.
Qaromogʼida nogiron farzandi boʼlgan Lola Safarovaga tuman hokimligi tomonidan Paxtakor mahallasi hududidan yashash uchun uy ajratildi. Mehribonlik uyida tarbiyalangan chin yetim Elnora Usmonovaga Samarqand mahallasidan bir xonali uy sovgʼa qilindi. Homiylar tomonidan mazkur uy toʼliq jihozlab berildi. Tuman hokimligi tomonidan “Аyollar daftari”da roʼyxatda turgan 87 nafar uy-joyga muhtoj xotin-qizlar ijtimoiy uyga joylashtirildi.