Paxtakorda ilmli va ixtirochi ayollar koʼrik-tanlovi boʼlib oʼtdi

 Oʼzbekiston Respublikasi Oila va xotin-qizlar qoʼmitasi tashabbusi bilan respublikamiz boʼylab “Ilmli ayol — jamiyat koʼzgusi” ezgu shiori ostida “XXI asr ayoli” xotin-qizlar festivali oʼtkazilmoqda.
Festival doirasida tumanimizda “Ilm-fan va innovatsiyalarni rivojlantirishda xotin-qizlarning oʼrni”, “Xotin-qizlarning intellektual salohiyatlarini yuksaltirish – davr talabi”, “Olima ayollar – jamiyat koʼzgusi”, “XXI asr ilm-fani va taʼlimi sohasida ayollar: yutuqlar va muammolar”kabi bir qator mavzularda ilmiy-amaliy anjumanlari, oʼquv-amaliy seminarlari, davra suhbatlari, uchrashuv va muloqotlar, viktorina, insholar tanlovi, fleshmob va chellenjlar tashkillashtirilgani “Hududning ixtirochi ayoli” koʼrik-tanlovini yuqori saviyada oʼtkazish imkonini berdi.
Tuman hokimligi Oila va xotin-qizlar boʼlimi tomonidan Paxtakorda ushbu festivalning tantanali marosimi oʼtkazildi. Tadbirga festivalь doirasida mahallalarda boʼlib oʼtgan madaniy-maʼrifiy tadbirlarda faol ishtirok etgan xotin-qizlar, "Oqila ayollar" harakati aʼzolari, olima, ilmiy izlanuvchi tadqiqotchilar, ixtirochi, tashabbuskor xotin-qizlar taklif qilindilar.
Аytish mumkinki, bugungi davrning faol ziyoli ayoli siymosini yaratishga xizmat qiladigan mazkur tadbirda yurtimiz xalq xoʼjaligida amalga oshirilayotgan islohotlarda xotin-qizlarning oʼrni, ilmli ayollar, olimalarning bugungi kundagi faoliyati va ijobiy tajribalari, ularning jamiyat hayotidagi oʼrni va izlanuvchi qizlarni har tomonlama qoʼllab-quvvatlashdagi faollikni oshirish borasida qilinayotgan ishlar taqsinga loyiq.
Oʼziga xos bilim, koʼnikma va mahorat bahsiga aylangan mazkur koʼrik-tanlov yakunida uning barcha ishtirokchilari va gʼoliblari tashkilotchilar tomonidan diplom, tashakkurnoma va esdalik sovgʼalari bilan taqdirlandilar.