Oʼzbekiston Respublikasining “Fuqarolarning davlat pensiya taʼminoti toʼgʼrisida”gi Qonuniga muvofiq

 Erkaklar – 60 yoshga, ayollar – 55 yoshga toʼlganda va mehnat staji kamida 7 yil boʼlganda toʼliqsiz yoshga doir pensiya tayinlanishi belgilab qoʼyilgan.
Fuqarolar Oʼzbekiston Respublikasi Prezidentining 2020 yil 8 iyundagi “Tadbirkorlik faoliyati va oʼzini oʼzi band qilishni davlat tomonidan tartibga solishni soddalashtirish chora-tadbirlari toʼgʼrisida”gi 4742-sonli Qarorda (https://lex.uz/docs/4849607#4850688) belgilangan 101 turdagi mehnat faoliyati bilan shugʼullansa hamda oʼrnatilgan tartibda oʼzini-oʼzi band qilgan shaxs sifatida roʼyxatdan oʼtib, bazaviy hisoblash miqdorining kamida bir barobari (340 ming soʼm)da ijtimoiy soliq toʼlovini toʼlasa, 1 yillik ish staji hisoblanadi.
Demak, fuqaro 7 yil davomida har yili Pensiya jamgʼarmasiga oʼzini oʼzi band qilgan fuqaro sifatida ijtimoiy soliq toʼlovini amalga oshirgan taqdirda, kelgusida pensiya olish huquqiga ega boʼladi.
Hozirgi kunda, ish staji toʼliq boʼlmagan chogʼdagi yoshga doir pensiyaning eng kam miqdori qoʼshimcha toʼlovni hisobga olgan holda — oyiga 621 000 soʼmni tashkil etadi.
Pensiya miqdori ish haqi va ish stajiga bogʼliq.
Agar fuqaro ijtimoiy soliqni qancha koʼp toʼlasa, pensiya miqdori ham shuncha yuqori boʼladi.