Paxtakor tumanida Qurilish sohasida olib borilayotgan ishlar yuzasidan Ochiq muloqat
Paxtakor tumanida bunyodkorlik ishlari keng koʼlamda bormoqda
Tumanda extiyoj yuqoriligi bois yangi loyihalar asosida koʼp qavatli uy-joylar qurilishi ham davom etyapti. Masalan, obod qishloq dasturidan soʼng Doʼstlik mahalalsidagi barak uylar oʼrni boʼshab qolgan edi. Bugun bu manzilda yangi uylar qad koʼtaryapti. Shuningdek, Olmazor mahallasida ham zamonaviy shaharsozlik talabalari asosida jami 9 ta koʼp qavatli uylar takshil etilishi belgilangan. Shu paytgacha yani oʼtgan yili ana shu uylardan bittasi foydalanishga topshirilgan boʼlsa, qolganlarida qurilish ishlari davom etmoqda.
Olmazorda qurilayotgan uy-joylar Sardoba naʼmunasi asosida loyihalashtirilgan. Uylarnnig har biri 5 qavatli boʼlib, 1 podezdli 20 ta xonadondan iborat boʼladi. Loyihaga koʼra, uylar atrofi obodonlashtiriladi, avtoturargohlar, bolalar maydonchalari tashkil etiladi.
Paxtakor tumani maktablarida oʼquv xonalari qurilmoqda
Ha demay taʼlim muassasalarida yangi oʼquv yili boshlanadi. Umumtaʼlim maktablarini yangi mavsum uchun shay xolatga keltirish maqsadida joylarda alohida tayyorgarlik koʼrilyapti. Jumladan, Paxtakor tumanida ham 2 ta maktab davlat dasturi asosida kapital taʼmirdan chiqarilmoqda. Masalan, tumanning Paxtakor mahalla fuqarolar yigʼinidagi 1 son umumtaʼlim maktabining 420 oʼrinli mavjud binosi investitsiya dasturi bilan taʼmirdan chiqarilayotgan boʼlsa, hududda extiyoj yuqoriligi sabab boshlangʼich sinflar uchun qoʼshimcha ravishda 300 oʼrinli 2 qavatli yangi oʼquv binosi ham bunyod etilyapti. Loyihaning umumiy qiymati 4 mlrd soʼmdan ortiq boʼlib ayni payda mavjud binoning fasad va tom qismlari yangilanyapti. Yangi oʼquv binoda ham ishlar boshlangan. Boshlangʼich sinflar uchun 10 ta oʼquv xona, oshxona, faollar zali tashkil etiladi.
Аytish kerak, mazkur maktabning mavjud binosi oʼtgan asrning 60-yillarida bunyod etilgan. Shu sabab maktabning eskirgan binosi taʼmirga extiyoj yuqori edi. Shu paytgacha maktab binosining ichki taʼmiri, oʼquv jihozlari uch marotaba tashabbusli byudjet mablagʼlari xisobiga amalga oshirilgan. Galdagi taʼmirlash va qurilish ishlari sifati ham tuman prokuraturasi huzuridagi shtab nazoratida.
Joriy yilgi investitsiya dasturiga muvofiq Doʼstlik mahallasidagi 2 –son umumtaʼlim maktabida ham kapital taʼmirlash ishlari davom etmoqda. Loyihaga koʼra, 536 oʼrinli 3 qavatli mavjud binoning ichki va tashqi xolati butunlay yangilanadi. Shu kunlarda binoda elektromontaj, chiki va tashqi pardoz ishlari ketyapti. Yil yakuniga qadar qoʼshimcha 420 oʼrinli yangi bino ham bunyod etish belgilangan.
Paxtakorda aholi toza ichimlik suv bilan taʼminlandi
Hudud aholisini toza ichimlik suvi bilan taʼminlash, ogʼir manzillarga suv yetkazib berishni tashkil etish maqsadida ham joriy yilda samarali ishlar olib borildi. Masalan, yil boshida “Bogʼishamol” mahallasiga tortilgan asosiy ichimlik suv tarmogʼi va mahalladagi ikkita koʼcha tarmoqlari rekonstruksiya qilingan boʼlsa, “Sangzor-Paxtakor-Doʼstlik” magistral tarmogʼida ham tamirlash ishlari oʼtkazildi. Eng quvonarlisi, “Buyuk ipak yoʼli” mahallasidagi Oqoltin koʼchasidagi 40 ga yaqin xonadonga 40 yil deganda toza ichimlik suvi tortilgani boʼldi.
Uzoq yillik muammo ushbu koʼchada yashovchi xonadon egalarini xushnud qilgani rost. Shu bois tarmoq tortish ishlarida ham hamjihat boʼlib xashar qildik deydi faollar.
Paxtakordagi bugungi oʼzgarishlar bosqichma bosqich olib borilayotgan ijtimoiy iqtisodiy islohotlarning mevasi aslida. Bularning barchasi xalq manfaatiga xizmat qiladi albatta. Negaki, keng koʼlamli bunyodkorlik ishlari aholi uchun munosib sharoitlarni yaratib beradi.
