Жиззахда шахмат бўйича Республика опен турнири ўтказилди

Жиззах шаҳри Ёшлар марказида шахмат бўйича Республика ОПEН турнири ўтказилди.

Ушбу турнирда Самарқанд, Тошкент, Сирдарё, Бухоро, Қашқадарё, Наманган, Навоий, Тошкент шахар, Тошкент вилоятлари ҳамда Қорақалпоғистон республикасидан келган 7 ёшдан 16 ёшгача бўлган ўғил ва қизлар иштирок этди.

Ўтказилган Республика ОПEН турнири швейцарча тизимда 7 турдан иборат бўлиб, вилоятлардан келган ёш шахматчилар ўзаро беллашди.

Қизғин ва муросасиз кечган бахсларда мезбонлик қилган Жиззах вилояти ёшлари 3 та олтин, 4 та кумуш, 3 та бронза медалларни қўлга киритган бўлса, бошқа вилоят ёшлари 6 та олтин, 5 та кумуш, 6 та бронза медалларга сазовор бўлишди.

Мусобақа якунида юқори ўринларни қўлга киритган ва фаол ёшлар диплом, ташакурнома ва эсдалик совғалар билан тақдирланди.