QАYTА TIKLАNUVCHI ENERGIYA MАNBАLАRI JORIY ETILАDI
Bugun innovatsion texnologiyalarning keng joriy etilayotgani har bir sohaning shiddat bilan rivojlanib borayotganini taʼminlayotgan boʼlsa, u bilan bir qatorda energiya resurslariga boʼlgan talab ham ortib bormoqda. Bu neʼmatlardan oqilona foydalanish, behuda sarflanishiga yoʼl qoʼymaslik esa har bir fuqaro zimmasiga maʼlum darajada masʼuliyat ham yuklayapti.
Kecha tumanimiz markazida joylashgan yoshlar saylgohida viloyat va tuman sektor rahbarlari ishtirokida boʼlib oʼtgan oʼquv-seminari ham aynan ana shu dolzarb masalaga bagʼishlandi.
Elektr energiyasining iqtisod qilish va qayta tiklanuvchi energiya manbalarini joriy etish boʼyicha tashkil etilgan oʼquv-seminarida viloyat va tuman sektor rahbarlar, sohaga oid tashkilot, korxona va muassasalarning mutasaddilari hamda omaviy axborot vositalarining vakillari ishtirok etishdi.
Tadbirni boshqarib borgan tuman hokimi А.Аshurov soʼz avvalida ushbu oʼquv-seminarning mazmun-mohiyati va afzalliklari toʼgʼrisida qisqacha maʼlumot berib oʼtdi.
Shundan soʼng, bugungi kunda zamonaviy quyosh elektr stantsiyasidan foydalanib, nafaqat tejamkorlikka, balki moddiy manfaatdorlikka ham erishayotgan “Paxtakor” MFY hokim yordamchisi Farrux Primqulov soʼz olib, oʼz tajribasi bilan oʼrtoqlashdi.
Ishtirokchilar oʼz navbatida Sarvar Ismatov rahbarligida faoliyat yuritayotgan Jizzax shaharidagi Navoiy koʼchasida joylashgan “Mega elektropover” elektromarket doʼkonining Javohir Obidov hamda Zuhriddin Аbdumannonovlar boshchiligida tashkil etilgan zamonaviy energotejomkor jihozlarining koʼrgazmasi bilan yaqindan tanishdilar. Soʼngra “Tabiiy gazni tejash boʼyicha takliflari” bilan “Energiyasavdo” MChJ rahbari Muhiddin Holmurodov boshchiligida “Hududgaztaʼminoti” АJning energotejamkor gaz jihozlarini oʼrtanish va uning afzalliklari toʼgʼrisida namoyish etilgan koʼrgazmani ham borib koʼrdilar va bu borada oʼzlarini qiziqtirgan savollarga soha mutasaddilaridan mukammal javob ham oldilar. Shuningdek, “Hududiy elekt tarmoqlari” АJ Jizzax hududiy filialining yetakchi muhandisi Bahrom Odilov ishtirokchilarga elektr uskunalarini laboratoriya va sinov priborlari asbob-uskunalari, himoya vositalari, kuchlanish koʼrsatkichi, UVN-80, UVN-90, MIN-1, dielektrik qoʼlqop, temir-beton tayanch tirnogʼi, koʼchma yerga ulagich, himoya kaskasi, maxsus ish kiyimlari, himoya belbogʼlari, himoya arqoni hamda xavfsizlik ishoralari bilan tadbir qatnashchilarini atroflicha tanishtirib oʼtdi.
Shu bilan birga zamonaviy elektr hisoblagichlari haqida ham batafsil axborot berdi.
Maʼlumot oʼrnida qayd etadigan boʼlsak, energiyatejamkor vositalar – yangi turdagi gaz yondirgichlari, yaʼni gorelkalar oylik gaz sarfini 40-45 foizga tejaydi. Kuz-qish mavusmi 6 oy boʼlsa, shu davr mobaynida 2100 metr kub 798 000 soʼm iqtisod qilinadi. Shuningdek, gorelka gaz bosimi oʼzgarganda, taʼminotda uzilishlar boʼlganda, avariya holatlarida avtomat tarzida ishlaydi. Eng muhimi, xavfsizlikning taʼminlanishida ahamiyatlidir. Jumladan, isteʼmolchilardagi yuzaga kelishi mumkin boʼlgan is gazining oldini olinishida hamda yongʼin xavfsizligi, oilaviy tejamkorlikni taʼminlashdabu kabi gaz uskunalarining oʼrni beqiyos.
Jamiyat xodimlari joylarda boʼlib, zamonaviy energiyatejamkor gaz uskunalarining yuqorida tilga olingan afzalliklari xususida toʼxtalib oʼtishar ekan, albatta, uning amalda qoʼllanilishi aholi uchun imkoniyatlar koʼlamini kengaytirishda xizmat qilishi mumkinligini qayd etdilar.
