Муносабат
Муносабат: (19.06.2023) ижтимоий тармоқларда "Biz Jizzax viloyati Paxtakor tumani Bog‘ishamol QFYdan murojaat qilayapmiz. рукнида тарқалган мурожаатга муносабат.
Пахтакор тумани ҳокимлиги томонидан ишчи гуруҳ тузилиб ҳолат ўрганилди.
Пахтакор тумани “Бахмал” фермер хўжаликлари худудий уюшмаси ҳудудига ЮР-18-1-7 канали орқали оқова сув етказиб берилади.
Бугунги кунда оқова сувнинг босими ҳар йилга нисбатан анча пастлиги сабаб Фермер хўжаликларга оқова сув навбат билан график асосида етказиб берилаётгани аниқланди. Роликда айтиб ўтилган 90 кундан бери сув йўқ дея қилган иддоалари ўринсиздир.
Ўзбекистон Республикаси президентининг 2023 йил 1-апрелдаги ПҚ-107-сонли қарорида Сув ресурсларидан фойдаланиш самарадорлигини ошириш бўйича кечиктириб бўлмайдиган чора-тадбирлар амалга оширилмоқда.
Прогноз маълумотларга кўра, 2023 йил вегатация даврида сув реурслари ҳажми кўп йиллик меъёрга нисбатан Сирдарё ҳавзасида 10-15 фоизга, Амударё ҳавзасида 15-20 фоизга кам бўлиши борасида барча фермер хўжаликларига огоҳлантириш хатлари берилган.
Бугунги кунда аксарият Фермер хўжаликлар сув матор ёрдамида зовурлардан оқова сув тортиб фойдаланмоқда.
Пахтакор туман Ирригация бўлими мутахассис ходимлари назоратида “Бахмал” фермер хўжаликларига оқова сув график асосида 2023 йил 21-25-июнга қадар етказиб берилади.
