Munosabat

 Munosabat: (28.07.2023) Telegram kanallaridan birida e’lon qilingan holat (https://t.me/eltuzportali/2741) bo‘yicha Bank brendi va axborot xizmati quyidagilarni ma’lum qiladi:

Murojaat mas’ullar ishtirokida o‘rganilganda, haqiqatan ham Xalq banki Paxtakor filialiga tegishli telegram guruhida ushbu yozishmalar mavjudligi aniqlangan. Bu yozuv xodimlarning oy oxiridagi aholiga ajratilgan imtiyozli kreditlarini so‘ndirishda yanada mas’uliyatini oshirish maqsadida yozilganligini ma’lum qilamiz.

Aholi kesimida unmayotgan kredit qarzdorliklarini so‘ndirish lavozim yo‘riqnomasida ko‘rsatilmagan bo‘lsa-da, bankning ichki mehnat tartibida har bir xodim bankning ravnaqi uchun birdek mas’ul hisoblanishi nazarda tutilgan. Bundan tashqari har qanday tashkilot o‘z moliyaviy holatidan kelib chiqib xodimlarga rag‘batlantirish belgilaydi. Shundan kelib chiqqan holda har bir xodim o‘z vazifasiga sidqidildan yondashsa, rahbariyat tomonidan munosib tarzda rag‘batlantiriladi. Shu o‘rinda, dam olish kunlari ishga jalb qilingan xodimlarga o‘z istagiga ko‘ra oy boshida qo‘shimcha dam olish kuni beriladi. Suningdek, bank xodimlariga har bir so‘ndirilgan kredit summasidan tegishli tartibda qo‘shimcha ish haqi ajratilishi haqida ma'lum qilamiz.

Eslatib o‘tamiz, Xalq banki faoliyati bilan bog‘liq har qanday masalalar bo‘yicha @xbcallsupport murojaatlar markazi va 1106, 71 210 20 02 ishonch raqamlari orqali murojaat qilishingiz mumkin.  (https://xb.uz/uz/page/rasmiy-munosabat-72)