Paxtakorda "Kreativ taʼlim-yangi O'zbekiston taraqqiyotining asosi" nomli innovatsiya ko'rgazmasi tashkil etildi

 Jizzax viloyati Paxtakor tumanida "Kreativ taʼlim-yangi O'zbekiston taraqqiyotining asosi" nomli innovatsiya ko'rgazmasi tashkil etildi. Ko'rgazmada 30 ga yaqin tadbirkorlar, kasb-hunar maktablari, kollej va texnikumlar ishtirok etdilar. Paxtakor tumanidagi "Semrug" fermer xo'jaligi klasterining paxtachilik sohasidagi eng muxim bo'lgan chigit maxsulotining innovatsion usullarda foydalanishi kelgan mexmonlarning eʼtiborini tortdi. Xozirgi kunda "Semrug" paxtachilik klasteri qo'shni mamlakatlar bilan hamkorlik shartnomalari imzolab, Qozog'iston davlatiga eksportni yo'lga qo'ygan.

Paxtakor tuman maktab va maktabgacha taʼlim bo'limi bilan "Munira-Umid"MChJ o'rtasida 80 mln sumlik shartnoma imzolanib, endilikda tumandagi 14 ta maktabgacha taʼlim tashkilotlariga sut va sut maxsulotlarini yetkazib berishni kelishib olishdi. Bundan tashqari ko'p yillik tarixga ega bo'lgan quroq maxsulotlari endilikda zamonaviy ko'rinish olgan bo'lib, "Gulruh Quroqlari"MChJ xozirgi kunda 10 dan ziyod davlatlarga milliyligimizni zamonaviy maxsulotlarda qo'llagan xolda eksportni amalga oshirib kelmoqda.