Paxtakor tumanida "YANGI HAYOT UCHUN, YANGI O‘ZBEKISTON UCHUN!" davra suhbatlari o‘tkazilmoqda!
O‘zbekiston Respublikasi Prezidenti Shavkat Mirziyoyev raisligida o‘tgan yilning 22-dekabr kuni Respublika Ma’naviyat va ma’rifat kengashining kengaytirilgan yig‘ilishi bo‘lib o‘tgan edi.
Davlatimiz rahbarining mazkur uchrashuvdagi “Maʼnaviyat boshqa sohalardan oldinda yurishi, yangi kuchga, yangi harakatga aylanishi kerak” nomli maʼruzasining mazmun-mohiyatini keng targʻib etish maqsadida “Jadidlar: milliy oʻzlik, istiqlol va davlatchilik gʻoyalari” hamda “Ilm-fan, taʼlim-tarbiya va maʼnaviyat biz uchun ustuvor masaladir” mavzularida joriy yilning 8 yanvar kuni Paxtakor tumani Bog‘ishamol, Mingchinor va Nurli Pangat MFY hududida aholi o‘rtasida davra suhbatlari tashkil etildi.
Davra suhbatlarini Oʻzbekiston Milliy universiteti Jizzax filiali ijtimoiy fanlar va jismoniy madaniyat kafedrasi dotsenti O.Xakimov ochib berdi. Tadbirda tuman mudofaa ishlari bo‘limi-B.Norqulov, madaniyat bo‘limi - M.Eshimqulov, ma'naviyat bo‘limi - I.Xoliqovlar ishtirok etishdi.
