Qaror va ijro
Yurtimizda tomorqa madaniyatini shakllanttirish, uni qo‘shimcha daromad manbaiga aylantirish borasida aniq chora-tadbirlar asosida ish olib borilmoqda. Bugun aksariyat yurtdoshlarimiz tomorqa oila uchun rizq-ro‘z, qo‘shimcha daromad manbai ekanligini yaxshi bilishadi.
Mingchinor mahallasi fuqarolari “Bir mahalla – bir mahsulot” shiori ostida o'z tomorqalariga qulupnay, kartoshka, sholg‘om, sarimsoqpiyoz, ismaloq, issiqxonalarda esa pomidor, bodring, tarvuz, qovun yetishtirishmoqda.
Xalqimiz dasturxoniga bodring, pomidor, turli ko‘katlar yetkazib berilmoqda. Mingchinor mahallasida qay bir xonadonga kirmang, barchasining hovlisida turli dehqonchilik mahsulotlari yetishtirilmoqda. Bir qarich ham bo‘sh turgan yerni ko‘rmaysiz. Yil 12 oy bozorga dehqonchilik mahsulotlari yetkazib beriladi bu hududdan.
– Tumanimizda 15 ta mahalla fuqarolari yig‘inlarida, fermer, dehqon xo‘jaliklari va tomorqa yer egalari kengashi mutaxassisi Islomjon Yakubov. – Tumanda “Bir mahalla – bir mahsulot” tamoyili asosida xatlov o‘tkazilib, unda fuqarolarning ichki imkoniyati va talab-istaklari inobatga olingan holda qishloq xo‘jaligi mahsulotlari yetishtirilmoqda. Ushbu Mingchinor mahallasi sabzavotchilikka ixtisoslashgan. Mahallada jami ekin maydoni 60,5 gektarni tashkil etadi. Hozir ushbu mahallaning 52,3 gektar yer maydoniga piyoz va sarimsoqpiyoz ekildi. Shuningdek, to‘qsonbosti ekinlar ekilmoqda.
Albatta, keyingi yillarda tomorqachilikka qaratilgan e’tibor tufayli, aksariyat yurtdoshlarimiz bu tizimning afzalliklarini to‘liq anglab yetmoqdalar. Tomorqadan unumli foydalangan holda almashlab ekishni yo‘lga qo‘yib, yiligi 3 martagacha hosil olishmoqda. Bu esa oilalar dasturxoni to‘kinligini ta’minlashga xizmat qilayotir.
скачать dle 12.0