Mehnat daftarcham ma'lum sabablarga koʻra yoʻqolgan. Men qanday pensiyaga chiqsam boʻladi?

 Mehnat daftarchasi yoki elektron mehnat daftarchasi mehnat stajini tasdiqlovchi asosiy hujjat hisoblanadi.

2005 yil 1 yanvardan avvalgi davrlar uchun mehnat staji shaxsning mehnat daftarchasidagi mavjud yozuvlar asosida, tasdiqlovchi hujjatlar talab etilmasdan belgilanadi.

Mehnat daftarchasi mavjud boʻlmaganda, shuningdek, mehnat daftarchasida zarur yozuvlar boʻlmagan yoki mehnat faoliyati davrlari toʻgʻrisida notoʻgʻri va noaniq yozuvlar mavjud boʻlgan hollarda ish stajini tasdiqlash uchun:

⏺ - ma'lumotnomalar;

⏺ - buyruqlardan koʻchirmalar;

⏺ - shaxsiy hisobvaraqlar va ish haqi berish uchun qaydnomalar;

⏺ - mehnat shartnomalari;

⏺- arxiv ma'lumotnomalari va mehnat faoliyati davrlari toʻgʻrisidagi ma'lumotlar mavjud boʻlgan boshqa hujjatlar qabul qilinadi.

☑️ Shuningdek, mehnat faoliyati davrlari toʻgʻrisidagi ma'lumotlar sud tartibida guvohlar koʻrsatmalariga asosan ham hisobga olinishi mumkin.

Pensiya jamg'armasi Paxtakor tuman bo'limi.