“Open budjet”, PQ-5072-sonli qarori ijrosi yuzasidan mablag‘ ajratish to‘g‘risida

 O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash bo‘yicha qo‘shimcha chora-tadbirlari to‘g‘risida”gi PQ-5072-sonli qarori ijrosi yuzasidan mablag‘ ajratish to‘g‘risida

O‘zbekiston Respublikasi Budjet Kodeksining 126-moddasiga, O‘zbekiston Respublikasi Prezidentining 2021-yil 13-apreldagi “Byudjet jarayonida fuqarolarning faol ishtirokini ta`minlash bo`yicha qo`shimcha chora-tadbirlar to`g`risida”gi PQ-5072-sonli qarori, O‘zbekiston Respublikasi Oliy Majlisi Senatining 2024-yil 30-yanvardagi “Tashabbusli budjet jarayonlarini о‘tkazish hamda moliyalashtirish tartibi to‘g‘risida”gi KQ-666-IV-sonli qarori va O‘zbekiston Respublikasi Prezidentining 2022-yil 17-noyabrdagi “Qurilish loyihalarini amalga oshirishda nazorat mexanizmlarini takomillashtirish, jarayonning ochiqligi va shaffofligini yanada oshirish chora-tadbirlari to‘g‘risida”gi PQ-425-sonli qarorlarining ijrosini ta’minlash hamda “Mahalliy davlat hokimiyati to‘g‘risida”gi O‘zbekiston Respublikasi Qonunining 6- va
24-moddalariga muvofiq, xalq deputatlari Paxtakor tuman Kengashi

QAROR QILADI:

 1. O‘zbekiston Respublikasi Prezidentining 2021-yil 13-apreldagi “Byudjet jarayonida fuqarolarning faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-5072-sonli hamda O‘zbekiston Respublikasi Oliy Majlisi Senatining 2024-yil 30-yanvardagi “Tashabbusli budjet jarayonlarini о‘tkazish hamda moliyalashtirish tartibi to‘g‘risida”gi KQ-666-IV-sonli qarorlari rahbarlik va ijro uchun qabul qilinsin.

2. Paxtakor tumani bo‘yicha 2024-yil 1-mavsum ovoz berish jarayonlari natijasiga ko‘ra g‘olib deb topilgan loyihalarni moliyalashtirish bo‘yicha manzilli ro‘yxat 1-ilovaga muvofiq tasdiqlansin.

3. 3. Tuman hokimining birinchi o‘rinbosari Shodmonovga, tuman iqtisodiyot va moliya bo‘limi A.Meliboyevga “Fuqarolar tashabbusi jamg‘armasi” mablag‘lari hisobidan jamoatchilik fikri asosida ovoz berish orqali g‘olib bo‘lgan quyidagi 9 ta takliflar uchun 11 380.0 mln so‘m mablag‘ ajratish vazifasi topshirilsin:

G‘olib deb topilgan loyihalar:

1-o‘rin “Olmazor” MFY hududidagi 8-sonli umumta’lim maktabini joriy ta’mirlash taklifi jami 2056 ta ovoz bilan g‘olib bo‘lgan, (ID-032318548004) xarajatlari uchun 1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

2-o‘rin “Oqbuloq” MFY hududidagi 13-maktabni chegara atrofini o‘rash, yangi xojatxona qurish, yong‘in xavfsizligi xovuzi qurish, joriy ta’mirlash taklifi jami 1975 ta ovoz bilan g‘olib bo‘lgan, (ID-032329094004) xarajatlari uchun
1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

3-o‘rin “Paxtakor” MFY hududidagi Chamanzor 1 kochasi va Kafol Shoshiy ko'chalarini jami 2500 metr yo‘llarni asfalt qilish taklifi jami 1720 ta ovoz bilan g‘olib bo‘lgan, (ID-032326675004) xarajatlari uchun 1 360 000 000 (bir milliard uch oltmish million) so‘m "Jizzax Mintaqaviy yo‘llarga buyurtmachi xizmati" davlat unitar korxonasiga;

4-o‘rin “Samarqand” MFY hududidan o‘tgan 4R-35 Jizzax-Gagarin avtomobil yo‘l bo‘yini obodonlashtirish va ko‘kalamzorlashtirish va  axoli dam olish maskaniga aylantirish taklifi jami 1325 ta ovoz bilan g‘olib bo‘lgan,
(ID-032303469004) xarajatlari uchun 1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

5-o‘rin “Mingchinor” MFY hududidagi 5-umumtalim maktabi hududidan sun’iy qoplamali mini futbol maydoni qurish taklifi jami 1260 ta ovoz bilan g‘olib bo‘lgan, (ID-032298761004) xarajatlari uchun 500 000 000 so‘m (besh yuz million) (Ushbu loyiha Openbudget.uz axborot portalida 1 000 000 000 so‘m bilan g‘olib deb topilgan, hozirgi kunda sun’iy qoplamali fudbol maydoni qurishga 500 000 000 so‘m mablag‘ yetraliligini hisobga olib tashabbuskor bilan o‘zaro kelishilgan (tashabbuskorning rozilik tilxati mavjud)), "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

6-o‘rin “G‘alaba” MFY hududidagi “Yangier-Chimqo‘rg‘on” 4R32 avtomobil yo‘lidan piyodalar yo‘lakchasi barpo qilish taklifi jami 1218 ta ovoz bilan g‘olib bo‘lgan, (ID-032298761004) xarajatlari uchun 1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

7-o‘rin “Do‘stlik” MFY hududidan o‘tgan 4R-35 Jizzax-Gagarin yo‘li bo‘yidan parallel ichki yo‘l qurish taklifi jami 1179 ta ovoz bilan g‘olib bo‘lgan, (ID-032309001004) xarajatlari uchun 1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

8-o‘rin “Toshkent” MFY hududidagi Suzish havzasi, suvni tozalash xonasi va qozonxonalarni ta’mirlash taklifi jami 1172 ta ovoz bilan g‘olib bo‘lgan,
(ID-032311669004) xarajatlari uchun 1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

9-o‘rin “Samarqand” MFY hududidagi markaziy o‘yingohni ta’mirlash taklifi jami 1172 ta ovoz bilan g‘olib bo‘lgan, (ID-032313537004) xarajatlari uchun
1 360 000 000 (bir milliard uch oltmish million) so‘m "Jizzax viloyati hokimligi yagona buyurtmachi xizmati injiniring kompaniyasi" unitar korxonasiga;

4. 4. Paxtakor tuman iqtisodiyot va moliya bo‘limi (A.Meliboyevga):

G‘olib deb topilgan har bir loyiha uchun “401722….” Mablag‘lar manbasi bilan hisob raqamlar ochilishini ta’minlasin.

5. 5. Tuman hokimligi bosh hisobchisi (N.Qo‘nishevaga), tuman hokimligi huzurida tashkil etilgan “Fuqarolar tashabbusi jamg‘armasi” mablag‘lari hisobidan buyurtmachi tashkilotlarining tegishli g‘aznachilik hisob varaqalariga ilovaga asosan ajratilgan mablag‘lar o‘tkazilishi taʼminlansin.

6. Paxtakor tuman G‘aznachilik bo‘linmasi (Sh.Sagatovga), ajratilgan mablag‘larni o‘rnatilgan tartibda moliyalashtirilishini taʼminlasin.

7. 7. Tuman hokimining o’rinbosari (O.Amanovga):

Ajratilgan mablag‘larni budjet tizimiga oid normativ-huquqiy hujjatlarga rioya qilinishi, maqsadli sarflanishi, tovarlar (xizmat) harid qilish, qurilish  ta’mirlash ishlarining sifatli amalga oshirilishi doimiy monitoring qilib borish;

Barcha jarayonlarning yakunlanishini qat’iy nazoratga olishni hamda bu bo’yicha shaxsan mas’ul ekanliklari belgilab qo’yilsin va amalga oshirilgan ishlar yuzasidan tuman Xalq deputatlari Paxtakor tuman Kengashiga hisobot berish vazifasi yuklatilsin;

8. 8. “Jizzax mintaqaviy yo‘llarga buyurtmachi xizmati” unitar korxonasi (Sh.Anorboyev), "Jizzax viloyati hokimligi yagona buyurtmachi xizmati injiniring kompaniyasi" unitar korxonasi (D.Qoplonovga):

2024-yil 1-mavsumda jamoatchilik fikri asosida g‘olib deb topilgan loyihalar yakunlanganidan so‘ng, iqtisod qilingan mablag‘lar “Fuqarolar tashabbusi jamg‘armasi”ga qayta tiklanishini ta’minlasin.

9. 9. Paxtakor tumani "Paxtakor hayoti" gazetasi tahririyati (M.To‘xtasheva) tuman hokimligi Axborot xizmati (R.Qurbonov) va tuman iqtisodiyot va moliya bo‘limi (A.Meliboyev)lar bilan birgalikda 2-bosqich, ya’ni “Ovoz berish” jarayoni yakunida aniqlangan “G’olib” takliflar, shuningdek, undagi shakllangan tadbirlarning moliyalashtirilishi hamda amalga oshiriladigan ishlar bo‘yicha ma’lumotlarni keng jamoatchilikka muntazam ravishda yetkazib borish vazifalari yuklatilsin.

10. 10. Mazkur qarorning ijrosini nazorat qilish Xalq deputatlari Paxtakor tumani Kengashining “Mahalliy byudjetni shakllantirish va ijro etish, iqtisodiy islohotlarni
    amalga oshirish va tadbirkorlikni rivojlantirish masalalari bo‘yicha doimiy
    komissiya”si raisi Qodirov hamda tuman hokimining birinchi o‘rinbosari Sh.Shodmonovlar zimmasiga yuklatilsin.