Markaziy bankning Jizzax viloyati Bosh boshqarmalari tomonidan Paxtakorda sayyor qabul o‘tkazildi
Markaziy bankning Jizzax viloyati Bosh boshqarmasi Bank xizmatlari iste’molchilarining huquqlarini himoya qilish xizmati Markaziy bankning Jizzax viloyati Bosh boshqarmalari hamda tijorat banklari vakillari bilan birgalikda O‘zbekiston Respublikasining “Jismoniy va yuridik shaxslarning murojaatlari to‘g‘risida” Qonuni talablari asosida jismoniy va yuridik shaxslar uchun sayyor qabullar o‘tkazildi.
Sayyor qabulni dastlab Asilbek Rahmonovich ochib berdi.
Respublika Markaziy banki rahbariyati tomonidan joylarda tadbirkorlar hamda aholi bilan ochiq muloqot va sayyor qabullar o‘tkazilmoqda.
Mamlakatimizda bank tizimini isloh qilishni yanada chuqurlashtirish va barqarorligini oshirish, mazkur tizimga aholi ishonchini mustahkamlash, axborot-kommunikatsiya texnologiyalarini keng qo‘llagan holda ko‘rsatilayotgan bank xizmatlarining turi va ko‘lamini kengaytirish bo‘yicha tizimli chora-tadbirlar amalga oshirilmoqda.
Xususan, bugungi kunda Respublikamizning barcha hududlarida o‘z faoliyatlarini ko‘rsatayotgan tijorat banklari tomonidan mijozlarga taklif qilinayotgan bank xizmatlari hamda mahsulot turlari tobora kengayib bormoqda. Shu bilan birgalikda, belgilangan chora-tadbirlar asosida hududlarda aholi hamda bank mijozlarining moliyaviy savodxonligini oshirish, bank xizmatlari iste'molchilarini sifatli va tezkor bank xizmatlari bilan ta'minlashga, muammolarni bartaraf etishga qaratilgan sayyor qabullar muntazam ravishda o‘tkazilib kelinmoqda.
Paxtakor tumanida o‘tkazilgan sayyor qabul davomida fuqarolarning asosan tadbirkorlik faoliyatini, jumladan, oilaviy tadbirkorlikni rivojlantirish uchun imtiyozli mablag‘lar olishda duch kelayotgan ayrim muammolar, to‘siqlar hamda ularni qiynayotgan savollar bilan murojaat etdilar. Kredidlashtirish tizimdagi axborot-kommunikatsiya texnologiyalarini fuqarolarga keng tushuntirish borasida suhbatlar olib borildi.
Mingchinor mahallasidan kelgan Abduvaliyev Bobomurod sayyor qabulda kredit olish masalasi bo’yicha o’z muammosini aytdi. Tegishli hodimlar esa ushbu fuqaroning masalasi ijobiy hal etilishini aytishdi. 
