Paxtakor tumanida Uch avlod uchrashuvi o’tkazildi
Oʼzbekiston Respublikasi Prezidentining 2023-yil 11-martdagi “Keksa avlod vakillarini har tamonlama qoʼllab-quvvatlash hamda ularning ijtimoiy faolligini oshirishga doir qoʼshimcha chora-tadbirlar toʼgʼrisidagi”gi 92-sonli qarorining ijrosini taʼminlash boʼyicha tasdiqlangan “Chora tadbirlar ish rejasi”ning 3-ilova 9.3-bandi va “Nuroniy” jamgʼarmasi Respublika boshqaruvi hamda Oʼzbekiston Respublikasi Maktabgacha va maktab taʼlimi vazirligi tomonidan 2024-yil 13-apreldagi №-06-01/141 sonli qoʼshma qarorida belgilangan vazifalarni bajarilishini taʼminlash maqsadida mahallalarda yoshlar, shuningdek, uyushmagan, tarbiyasi ogʼir, muammoli yoshlar va kam taʼminlangan oilalardagi yoshlar oʼrtasida, shuningdek harbiy qismlarda harbiy xizmatchilar oʼrtasida keksa avlod vakillari ishtirokida «Uch avlod uchrashuvi» tadbirlari oʼtkazilib kelinmoqda.
Keksa avlod vakillari hamda yoshlar ishtirokida olimlar, yozuvchilar, soha mutaxassislari hamda maʼnaviyat targʼibotchilarini jalb qilgan holda tarbiyaviy masalalarga bagʼishlangan amaliy konferentsiya va seminarlar tashkil etib borilmoqda.
Jumladan: 2024-yil 17-iyul kuni kuni Paxtakor tuman “Oltinkoʼl” MFY xududida joylashgan “Dunyo bolalari” nodavlat notijorat bolalar boqchasida tashkil etilib, tadbirga “Oltinkoʼl” MFYdagi mehnat faxriylari, xavaskor yozuvchi, shoirlardan iborat 18 nafar nuroniy otaxon va onaxonlar, 9 nafar oʼrta avlod vakillari va 25 nafar yoshlar ishtirokida “Uch avlod uchrashuvi” boʼlib oʼtdi.
Tadbirni Oʼzbekiston faxriylarining ijtimoiy faoliyatini qoʼllab-quvvatlash “Nuroniy” jamgʼarmasi Paxtakor tuman boʼlimi raisi Sh.Normaxammatov Oʼzbekiston faxriylarining ijtimoiy faoliyatini qoʼllab quvvatlash “Nuroniy” jamgʼarmasi faollarining nuroniylar, yoshlar va barcha yurtdoshlarimizga yoʼllagan murojaatini oʼqib, tadbirni ochib berdi. Shundan soʼng
“Buvijonlar maktabi” rahbari F.Normatova soʼzga chiqib, mahallalarda ijtimoiy-maʼnaviy muhit barqarorligini taʼminlash, yosh avlodni ustoz-shogird asosida halqimizning koʼp asrlik anʼanalarini hurmat qilish ruhida tarbiyalash, oilalarda ahillik va totuvlik muhitini asrash kabi bir qator yoʼnalishlarda nuroniylarning alohida oʼrni haqida gapirib oʼtdi.
Tadbir davomida nuroniylardan “Oltinkoʼl” MFY “Keksalar maslahati” guruhi raxbari X.Аltmisheva soʼzga chiqib, “Uch avlod uchrashuvi”ning mazmun mohiyati, bunday tadbirlardan koʼzlangan maqsad, nuroniylar oʼzlarining bilim koʼnikmalari, boy xayotiy tajribalarini yosh avlod vakillariga oʼrgatish ekanligiga haqida soʼzlab oʼtdi. Oʼzbekiston yozuvchilar uyushmasi aʼzosi shoira G.Usmonova, Jizzax viloyat yozuvchilar uyushmasi aʼzosi N.Qoʼylonovalar oʼzlarining ajoyib sheʼrlari bilan davrani qizdirib bergan boʼlsa, xush ovoz sohibi А.Burxonov tomonidan ijro etilgan kuy-qoʼshiqlar qatnashchilar olqishiga sazovor boʼldi. Jajji farzandlarimizning badiiy chiqishlari tadbir qatnashchilariga xush kayfiyat bagʼishladi.
“Nuroniy” jamgʼarmasi Paxtakor tuman boʼlimi raisi Sh.Normaxammatov
