Paxtakor tumani “Olmazor” mahallasida 5 qavatli 20 xonadonga mo’ljallangan uy-joylar o’z egalariga topshirildi.
Davlatimiz rahari tashabbusi bilan soʼnggi yillarda yangilangan namunaviy loyihalar asosida arzon uy-joylar qurish hisobiga aholini uy-joy bilan taʼminlash boʼyicha keng koʼlamli ishlar amalga oshirilmoqda.
Shu bilan birga, qishloq joylarda arzon uy-joylarga talab yuqori ekanligini sababli, yangicha yondashuvlarni ishlab chiqishni taqozo etadigan uy-joylar qurilishini tashkil etish va muhtoj oilalarni arzon uylar bilan taʼminlash boʼyicha bir qator choralar koʼrildi.
Qurilayotgan namunaviy loyihalar boʼyicha arzon uy-joylarning narxini maqbullashtirish hamda energiya samarador va mahalliy ishlab chiqaruvchilarning arzon qurilish materiallaridan foydalangan holda meʼmoriy va texnik yechimlarni qoʼllash muhandislik-transport kommunikatsiyalari va namunaviy loyihalar boʼyicha arzon-uy-joylar qurilishida oʼzaro uygʼunlik taʼminlanmoqda.
Koʼrilgan chora-tadbirlar natijasida oilalarni zamonaviy, sifatli, shinam uy-joy bilan taʼminlashga, qishloq joylarda yangi ijtimoiy va bozor infratuzilmasini shakllantirishga koʼmaklashdi, qishloqlarning qiyofasini yangi darajaga koʼtarish va shu asosda aholisining hayot darajasini yaxshilash va dunyoqarashini oʼzgartirish imkonini berdi.
Shu bilan birga, ushbu sohani oʼrganish aholining real ehtiyojlari va xarid qobiliyatini, shuningdek milliy mentalitetni va qishloq joylarda yashash sharoitlarining xususiyatlarini toʼliq hisobga olib qurilish samaradorligini oshirishga yoʼnaltirilgan printsipial jihatdan yangi yondashuvlarni ishlab chiqish zarurligini koʼrsatdi.
Tuman aholisining zamonaviy va shinam uy-joy bilan taʼminlash darajasini tubdan oshirish maqsadida Olmazor mahallasida dastlabki 20 xonadondan iborat uy-joylar qurilishi “Zamin poydevori” MChJ tomonidan amalga oshirildi.
Oʻzbekiston Respublikasi mustaqilligining 33 yilligi bayramida uy-joylarning topshirilishi xonadon egalariga qo'shaloq bayram sifatida nishonlandi.
Yangi uylarning ochilish marosimida tuman hokimi A.Ashurov, sektor rahbarlari, jamoatchilik va mahalla faollari ishtirok etishdi.
Dastlab, Asilbek Rahmonovich barchani Oʻzbekiston Respublikasi mustaqilligining 33 yilligi va xonadon egalarini yangi uylar bilan samimiy tabrikladi. Tadbirda so‘zga chiqqan nuroniylar bugungi yangilanish va bo‘layotgan islohotlarni e'tirof etishdi.
Hususiy pudrat tashkilotlari tomonidan oʼz mablagʼlari va banklar tomonidan ajratilgan kreditlari hisobiga yil yakuniga qadar yana 5 ta huddi shunday arzon uy-joylardan qurib foydalanishga topshirilishi rejalashtirilgan.
