Жиззах вилояти ҳокими Эргаш Салиев Пахтакор тумани аҳолиси муаммоларини тинглади

Жиззах вилояти ҳокими Эргаш Салиевнинг навбатдаги оммавий сайёр қабули Пахтакор туманининг Боғишамол маҳалласида ўтказилди.

Оммавий қабулда сектор раҳбарлари вилоят ҳокими ўринбосарлари, аҳоли муаммоларини ҳал этиш бўйича ишчи гуруҳ аъзолари, ҳоким ёрдамчилари, маҳалла раислари ва вилоят ҳамда тумандаги ташкилот ва муассасалар раҳбарлари иштирок этишди.

Оммавий сайёр қабулни Халқ қабулхонаси мудири Байрамбек Узоқов олиб борди.

Қабулда, бошқа ҳудудлардаги аҳолига қулайлик яратиш мақсадида шаҳар ва туманлардаги Халқ қабулхоналаридан онлайн тарзда вилоят ҳокимига мурожаат қилиш имконияти яратилди.

Қабул гуруҳларга бўлинган ҳолда ҳар бир гуруҳдаги мутасаддилар аҳоли муаммоларини тинглади.

Пахтакор туманида 2023 йилда 6 та Дастурлар доирасида 62 та объектларда 68 млрд сўмлик қурилиш – таъмирлаш ишлари бажарилди.

Туманда жорий йилда тасдиқланган 3 та Дастурлар доирасида 21 та объектларга 22,6 млрд сўм маблағ ажратилган.

“Ташаббусли бюджет” дастурининг иккинчи мавсумида ғолиб бўлган 6 та объектларга 8,1 млрд сўм маблағ берилади.

Албатта амалга оширилаётган мазкур ислоҳотлар замирида халқни рози қилиш ва инсонларни яхши яшаши учун шарт-шароитлар яратишдир.

Оммавий қабулда аҳоли томонидан даволаниш ва дори-дармон, уй-жой таъмири ва ижтимоий масалаларда мурожаатлар келиб тушди.

Пахтакор туманида ўтказилган сайёр қабулда 71 нафар фуқаролардан 92 та масалалардан иборат мурожаатлар қабул қилинди.

Ушбу мурожаатларни қонун доирасида белгиланган муддатларда ўрганиб ижобий ҳал этиш бўйича вилоят ҳокимининг ўринбосарлари, вилоят ташкилотлари раҳбарлари ҳамда туманлар ҳокимларига вазифалар белгилаб берилди.

Вилоят ҳокимлиги Ахборот хизмати