Paxtakorda “Аholini kichik va oʼrta biznesga keng jalb qilishning qoʼshimcha chora-tadbirlari toʼgʼrisida”gi qarori mazmun-mohiyati tushuntirildi.

     Paxtakor tumanida Davlatimiz rahbarining 2023 yil 15-noyabrdagi “Аholini kichik va oʼrta biznesga keng jalb qilishning qoʼshimcha chora-tadbirlari toʼgʼrisida”gi PQ-366-son qarori mazmun-mohiyatini tushuntirish maqsadida tumandagi tadbirkorlar, hokim yordamchilari hamda mutasaddilar ishtirokida seminar tashkil etildi. Mazkur seminarda Biznes-ombudsman masʼul xodimi, Savdo-sanoat palatasi Jizzax viloyati hududiy boshqarmasi xodimi, Markaziy bank hududiy bosh boshqarmasi xodimi, Biznesni rivojlantirish banki Jizzax fililali xodimi, tuman hokimining birinchi oʼrinbosari, Savdo-sanoat palatasi tuman bo’limi, hokim yordamchilari, tadbirkorlar va fuqarolar ishtirok etdi.

     Seminarda tadbirkorlar hamda tadbirkorlik qilish istagida boʼlgan fuqarolarga qarorda belgilangan yangi tartib va qoidalar, oilaviy tadbirkorlik, kichik va oʼrta biznes uchun yaratilayotgan moliyaviy imkoniyatlar haqida maʼlumotlar berildi Seminar davomida ishtirokchilarni qiziqtirgan savollarga mutaxassislar tomonidan batafsil javoblar berildi.