Paxtakorda “Аyollar daftari” bilan ishlash boʼyicha yigʼilish oʼtkazildi
Paxtakor tumanida “Аyollar daftari” bilan ishlash tizimining 5-bosqichini amalga oshirish boʼyicha yigʼilish oʼtkazildi.
Mazkur yigʼilishda ishchi guruh rahbari, Oʼzbekiston Аgrosanoat majmui xodimlari kasaba uyushmasi Respublika kengashi raisining oʼrinbosari Javlonov Shavkat Sardorovich, tuman hokimi Ashurov Asilbek Rahmonovich, sektor rahbarlari, tuman Oila va xotin-qizlar boʼlimi boshligʼi, mahallalardagi xotin-qizlar faollari hamda tumandagi tashkilot xodimlari ishtirok etdi.
Tadbirda «Аyollar daftari»ni shakllantirish natijasida toifalar kesimida kiritilgan xotin-qizlar muammolari, ehtiyojlari va qiziqishlarini tizimli oʼrganish, tahlil qilish va hal etish borasidagi ishlarni sifat jihatdan yangi bosqichga olib chiqish masalalari muhokama qilindi.
