Chamanzor mahallasida Hokim va yoshlar uchrashuvi tashkil etildi
Paxtakor tumani “Chamanzor” mahallasida joylashgan 7-umumta’lim maktabining faollar zalida hokim va yoshlar uchrashuv bo‘lib o‘tdi. Uchrashuvdan maqsad yoshlarni qiziqtirayotgan savollariga javob berish, mavjud muammolarni birgalikda hal qilish va iqtidorli yoshlarni har tomonlama qo‘llab-quvvatlashdan iborat bo‘ldi. Uchrashuvda “Chamanzor” mahallasidagi muammosi bor yoshlar ishtirok etdilar. Uchrashuvda Paxtakor tumani hokimi Ashurov Asilbek Raxmonovich so‘zga chiqib, 2024-yilda tumanda yoshlar siyosati bo‘yicha amalga oshirilayotgan ishlar haqida yoshlarga aytib o‘tdi. Shundan so‘ng yoshlar bilan ochiq muloqot qilib, ular muammolari atroflicha o‘rganilib shu joyning o‘zida yеchim topildi. Samimiy muloqot tarzida kechgan uchrashuvda yoshlarning ta’lim, bandlik, kredit olish, tadbirkorlik, kontrakt to‘lovlarini to‘lashda ko‘maklashish, subsidiya olish borasidagi savollari, takliflari tinglandi. Ularni ijobiy hal etish bo‘yicha mutasaddilarga tegishli topshiriq va ko‘rsatmalar berilib, ijrosi nazoratga olindi.