Jizzax viloyati hokimligi Korrupsiyaga qarshi ichki nazorat shoʻbasi rahbari ishtirokida seminar oʻtkazildi
Jizzax viloyati hokimligi Korrupsiyaga qarshi ichki nazorat shoʻbasi rahbari ishtirokida seminar oʻtkazildi
Viloyat hokimligi Korrupsiyaga qarshi ichki nazorat shoʻbasi rahbari Soyib Melibaev ishtirokida «Davlat hokimiyati va boshqaruv organlari faoliyatining ochiqligi toʻgʻrisidagi qonunchilik» mavzusida seminar oʻtkazildi.
Viloyat hokimligi Korrupsiyaga qarshi ichki nazorat shoʻbasi rahbari Soyib Melibaev seminar boʻyicha soʻzga chiqdi.
2021 yil 16 iyunda Oʻzbekiston Respublikasi Prezidentining «Davlat organlari va tashkilotlarining faoliyati ochiqligini ta'minlash, shuningdek, jamoatchilik nazoratini samarali amalga oshirishga doir qoʻshimcha chora-tadbirlar toʻgʻrisida»gi PF-6247-sonli Farmoni qabul qilingan.
Davlat hokimiyati va boshqaruvi organlari faoliyatining ochiqligi toʻgʻrisidagi qonunchilikni buzganlik, jumladan Ochiq ma'lumotlar roʻyxatiga kiritilgan ma'lumotlarni e'lon qilmaganlik yoki toʻliq e'lon qilmaganlik, e'lon qilish qilish muddatlariga va tartibiga rioya etmaganlik yoki ma'lumotlarni buzib koʻrsatganligi uchun Oʻzbekiston Respublikasining Ma'muriy javobgarlik toʻgʻrisidagi kodeksining 2757-moddasiga koʻra ma'muriy javobgarlikka tortilishi belgilab oʻtilgan.
Ushbu moddada nazarda tutilgan huquqbuzarliklar aniqlangan taqdirda,Oʻzbekiston Respublikasi Korrupsiyaga qarshi kurashish agentligining mansabdor shaxslari ma'muriy huquqbuzarlik toʻgʻrisida bayonnoma tuzadi va koʻrib chiqishlik uchun belgilangan tartibda sudga yuboriladi.
2022 yil 14 iyun kuni Oʻzbekiston Respublikasi Prezidentining «Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari toʻgʻrisida»gi PF-154-sonli farmoni qabul qilindi.
Ushbu farmon ijrosini ta'minlash maqsadida 2022 yil 4 iyul kuni viloyat hokimining 334-3-Q/22-sonli qarori qabul qilindi.
Oʻzbekiston Respublikasi Prezidentining mazkur Farmoniga asosan 2022 yil 1 avgustdan boshlab ochiqlik boʻyicha amalga oshirilgan ishlarning samaradorligini va natijadorligini baholashga qaratilgan Ochiqlik indeksi joriy etildi.
Ochiqlik indeksi «0» balldan «100» ballgacha baholanib, davlat organlari va tashkilotlarining faoliyati samaradorligi «yashil», «sariq» va «qizil» toifalarga ajratiladi.
Baholash har yili oldingi yilning 1 yanvaridan 31 dekabrga qadar boʻlgan davrini oʻz ichiga qamrab olib, natijalari har yili 1 aprelga qadar Korrupsiyaga qarshi kurashish agentligi tomonidan eantikor.uz elektron platformasi va ommaviy axborot vositalarida e'lon qilib boriladi.
Viloyat hokimining 2023 yil 12 dekabr kungi 330-3-0-A/23-sonli «Jizzax viloyati hokimligi faoliyatida ochiq e'lon qilinishi lozim boʻlgan ijtimoiy ahamiyatga molik ma'lumotlarni axborot resurslarida joylashtirish va yangilab borish tartibini belgilash toʻgʻrisida»gi farmoyishi qabul qilindi.