Paxtakor tumanida “Uch avlod uchrashuvi” tashkil etildi.
Oʼzbekiston Respublikasi Prezidentining 2023-yil 11-martdagi “Keksa avlod vakillarini har tamonlama qoʼllab-quvvatlash hamda ularning ijtimoiy faolligini oshirishga doir qoʼshimcha chora-tadbirlar toʼgʼrisidagi”gi 92-sonli qarorining ijrosini taʼminlash boʼyicha tasdiqlangan “Chora tadbirlar ish rejasi”ning 3-ilova 9.3-bandi va “Nuroniy” jamgʼarmasi Respublika boshqaruvi hamda Oʼzbekiston Respublikasi Maktabgacha va maktab taʼlimi vazirligi tomonidan 2024-yil 13-apreldagi №-06-01/141 sonli qoʼshma qarorida belgilangan vazifalarni bajarilishini taʼminlash maqsadida mahallalarda yoshlar, shuningdek, uyushmagan, tarbiyasi ogʼir, muammoli yoshlar va kam taʼminlangan oilalardagi yoshlar oʼrtasida, shuningdek harbiy qismlarda harbiy xizmatchilar oʼrtasida keksa avlod vakillari ishtirokida «Uch avlod uchrashuvi» tadbirlari oʼtkazilib kelinmoqda. Keksa avlod vakillari hamda yoshlar ishtirokida olimlar, yozuvchilar, soha mutaxassislari hamda maʼnaviyat targʼibotchilarini jalb qilgan holda tarbiyaviy masalalarga bagʼishlangan amaliy konferentsiya va seminarlar tashkil etib borilmoqda.
Jumladan: Paxtakor tuman “Toshken” MFYda xududida joylashgan “Moʼjiza” istirohat bogʼida “Uch avlod uchrashuvi” maʼnaviy-maʼrifiy tadbir tashkil etilib, tadbirda mehnat faxriylari, Oʼzbekistonda xizmat koʼrsatgan irrigator, El yurt xurmati ordeni soxiblari, xavaskor yozuvchi, shoirlardan iborat 42 nafar nuroniy otaxon va onaxonlar, 24 nafar oʼrta avlod vakillari va 53 nafar yoshlar ishtirok etdi. Tadbirni Oʼzbekiston Yozuvchilar uyushmasi Jizzax viloyati boʼlimi mutaxassisi N.Qoʼylonova olib bordi. Oʼzbekiston faxriylarining ijtimoiy faoliyatini qoʼllab-quvvatlash “Nuroniy” jamgʼarmasi Paxtakor tuman boʼlimi raisi Sh.Normaxammatov kirish soʼzi bilan tadbirni ochib berdi. U oʼz soʼzi davomida Vatan ravnaqi, mahallalar tinchligi va yosh avlodning taʼlim-tarbiyasiga nuroniylar oʼz hissalarini qoʼshib kelayotganligi, mamlakatimizda yoshlarni avloddan avlodga oʼtib kelayotgan milliy urf-odatlarimiz va anʼanalarimizni hurmat qilish ruxida tarbiyalashda yoshi ulugʼ otaxon va onaxonlarimizning alohida oʼrni borligi haqida taʼkidlab oʼtdi. Shundan soʼng tuman Imom Xatibi А.Аlimov soʼzga chiqib, yurtimizdagi xukm surayotgan tinchlik toʼgʼrisida gapirib, shukr kilishimiz kerakligini aytib utdi. Tadbir davomida Oʼzbekistonda xizmat koʼrsatgan irrigator Sh.Аnorboev, “Bogʼishamol” MFY “Keksalar maslahati” guruhi raxbari, Din ishlari qoʼmitasi mutaxassisi Sh.Nazarov, Oʼzbekiston yozuvchilar uyushmasi aʼzosi G. Usmonovalar soʼzga chiqib, “Uch avlod uchrashuvi”ning mazmun mohiyati, bunday tadbirlardan koʼzlangan maqsad, keksa avlodlar oʼzlarining bilim koʼnikmalari, boy xayotiy tajribalarini yosh avlod vakillariga oʼrgatish ekanligiga alohida toʼxtalib oʼtdi va uzining sheьrlari bilan katnashchilarni xushnid kildi. Tadbirda tuman madaniyat boʼlimi sanʼatkorlari va 14-sonli musiqa va sanʼat maktabi oʼqituvchisi А.Burxonovlarning kuy-qoʼshiqlari tadbir qatnashchilariga xush kayfiyat bagʼishladi.
“Nuroniy” jamgʼarmasi
Paxtakor tuman boʼlimi raisi Sh.Normaxammatov
