Navbatdagi yangi mahalla binosi foydalanishga topshirildi.

 Ma’lumki, 2023-yil - “Insonga e’tibor va sifatli ta’lim" yili deb e’lon qilindi. Shu munosabat bilan tumanimizda ham o‘z xizmat binosiga ega bo‘lmagan va xizmat binosi ta’mirtalab mahallalarga joriy yil boshidan jadallik bilan bosqichma-bosqich xizmat binolari qurilib, foydalanishga topshirilib kelinmoqda.

Bugun Davlat-xususiy sherikchilik asosida navbatdagi zamonaviy bino qurib, “Chamanzor” mahallalasiga foydalanishga topshirildi. Yoz faslining ayni issiq kunlari zamon talablariga mos keluvchi yangi binoning foydalanishga topshirilishi mahalla aholisi uchun bayram sifatida nishonlandi.

Olti mingdan ziyod aholi yashayotgan mahalla shu kunga qadar o‘z binosiga ega emasdi. Mahalla hududida homiylik asosida maskanda xodimlar uchun zarur bo‘lgan qulay shart-sharoitlar yaratish maqsadida yangi bino uchun zamonaviy mebellar to‘plamlari, kompyuter jamlanmalari bilan ta’minlandi.

Ochilish marosimida tuman hokimi A.Ashurov, mutasaddi tashkilotlar, nuroniylar, mahalla faollari hamda keng jamoatchilik vakillari ishtirok etdi.

Tadbirda ishtirok etgan otaxonlar kelgusida mazkur inshoot ko'p yillar davomida xalqimizga xizmat qilishi, yurtimiz tinchligini Allohdan so'rab, duoga qo'l ochishdi.

Tadbir yakuni mahalla fuqarolarining cheksiz quvonchi ila kuy-qo’shiq, raqslarga ulanib ketdi.

Tumandan tashrif buyurgan mutasaddilar mahalladagi imkoniyati cheklangan, nogironligi bo’lgan yoshlar holidan xabar olishdi. Ibn sino ko’chasida yashovchi bolalikdan nogironligi bo’lgan Ubaydullayev Sardorga nogironlar aravachasi hamda sovg’alar topshirdi.